ھێزەکا ئەمریکا ل کەرکووکێ ھاتە جێھگیرکرن
ئەڤرۆ نیۆز، قائید میرۆ:
پشتی بڕیارا ڤەکێشانا ھێزێن ئەمریکا ژ سووریا ھاتیە دان، چەند رۆژەکە ئەمریکا ھێزێن ل دەوروبەری کەرکووکێ زێدەکرینە و چەندین کاروانێن ھێزێن ئەمریکا گەھشتینە سەربازگەھا کەیوان یا نێزیکی باژێڕێ کەرکووکێ.
محەمەد کەمال، سەرۆکێ لیستا برایەتی ل جڤاتا پارێزگەھا کەرکووکێ بۆ ئەڤرۆ نیۆز دیارکر” راستە ئەمریکا ھێزێن خۆ ل سەربازگەھا کەیوان یا نێزیکی کەرکووکێ جێھگیرکرینە، ئەڤەژی پشتی ڤەکێشانا وان ھێزان ل وەلاتێ سووریێ، لێ ھێشتا دیارنینە مەرەما ئەمریکا چیە ژ ڤێ چەندێ ھێزێن خۆ ل سەربازگەھا کەیوانا کەرکووکێ جێھگیر دکەت، ئەگەر بچین پرسیارا پنتاگۆنێ بکەین.
ل دۆر کاریگەریێن ئەڤێ ھێزا ئەمریکی بۆ ل سەر دەڤەرێ محەمەد کەمال دبێژیت: ھەر چاوا بیت دەمێ ئەمریکا ل جھەکی ھەبیت دێ رۆل و کاریگەریێن خۆ ھەبن، ئەز باوەرم ھێزێن ئەمریکا ل سەربازگەھا کەیوان دێ کاریگەری لسەر رەوشا ئەمنیا کەرکووکێ ھەبن و ئەمریکا پلان و بەرنامێ ھەیە بۆ گرتنا سەربازگەھا کەیوان.
