ھەر کەسەک د ژیانا خوەدا دو جارا دکەڤیتە داڤێن ئەڤینێ
ئه‌ڤرۆ نيوز:
چەندین ڤەکولین ھاتنە کرن ژ لایێ دەزگەھێن بەریتانی ڤە کو ھەر کەسەک د ژیانا خوەدا چەندین جارا دبیتە ئەڤیندار لێ بتنێ دو جاران دکەڤیتە داڤێن ئەڤینەکا دروست و راستەقینە.
یسان گەلەک کەس ھەنە دبێژن مروڤ دشێت ١٠٠ جاران ئەڤیندار ببیت لێ ئەو کەس ب دروستی د ئەڤینێ نەگەھشتینە، چونکی ھەر کەسەک بتنێ دو جاران دێ ھەست ب ئەڤینەکا راستەقینە کەت، ژبلی ئەڤینا داخباربوونێ ئەوا مروڤ دشێت ١٠٠ جاران ئەڤیندار ببیت.
بۆ زانین نێزیکی ٢٠٠٠ مروڤان پشکداری د ڤێ ڤەکولینێ دا کریە و ب درێژاھیا ژیانا خوە ھەر مروڤەک بتنێ دو جاران ئەڤینا دروست دکەت و جارەکێ ئەڤینا تاک لایەن دکەت, ھەر د ڤەکولینێ دا ٣٧% ژ کەسێن پشکدار دیار کریە کو ئەو د ئەڤینا خوە یا ئێکێ دا د سەرکەفتی نەبووینە و ئەو ئەڤینا وان نھا ھەی دەرئەنجامێ چەندین سەربوران بویە و مفا ژ ئەڤینا ئێکێ وەرگریتە.
ھەر دیسان ٤٦% ژ پشکداربویێن ڤەکولینێ ئەو راستیە دیار کریە کو وان پەیوەندیێن ئەڤینیێ یێن دەم بوراندنێ دگەل گەلەک کەسان ھەنە و ھەردەمێ ئەڤینەکا راست و دروست بخوە دیت د ئامادەنە دەست ژ وان پەیوەندیان بەردەن, یا ژ ھەموویان سەرنجراکێشتر ئەوە پتریا پشکداربویان دانپێدان کریە ئەو ب ھەموو شێوەیان د ئامادەنە قوربانیێ ب گەلەک تشتێن پیروز بدەن ژ پێخەمەت وێ چەندێ ئەڤینا خوە یا راستەقینە ب پارێزن.
