ھەودانێن میزەرۆیێ ل دەڤ ژنان مەترسیدارترن ژ یێن زەلامان
ئه‌ڤرۆ نيوز:
ھەودانێن میزەرۆیێ ل دەف ژنان و کچان پەیدا دبن ژ ئەگەرێ ڤایروسەکی یان نەخوشیەکا زکماکی و گەلەکا ب ئێشە و مەترسیدارە، ھەکە زوو نەھێنە چارەسەرکرن دێ بیتە ئەگەرێ مرنێ، چونکو گەلەک مەترسیدارترن ژ یێن زەلامان و ئەگەرێن وان جودا جودانە و بۆ دەمێ چەند سالان ڤەدکێشن.
د.نادازدار رەئوف، تایبەتمەندا نەخۆشیێن ژنان و زاروکبوونێ دیارکر ھەودانێن میزەرۆیێ دوجورن یێن خواریا میزدانکێ و ئەو جھێ دەست ئاڤازراڤ ژێ دەردکەڤیت و یا ھەی یا سەری کو ھەردو گولچیسک کول دبن، ھندەک ھەودانێن ھەین د وەختینە و ھندەک ھەنە دومدرێژن کو ژ ئەگەرێ کێماسیێن زکماکی د میزدانکێ یان گولچیسکان دا ھەبن، یان بەرکەک د میزدانکێدا ھەبیت و گۆت: ئەڤ ھەودانە چەندین سالا ڤەدکێشن.
نازدار رەئوف دیارکر ژی ئەڤ ھەودانە ل دەڤ کچان و ژنان ژ ئەگەرێ میکروبەکی یان فتریاتان پەیدادبن ، بەلێ ٨٠% ژ ئەگەرێ بەکتریایەکی یە دبێژنێ ئیکولا و گۆت: ژن پتر ژ کچان تووش دبنێ، چونکی جھێ بچووکبوونێ(یوریپرا) ) یێ کورتە دکەڤیتە دناڤبەرا دەست ئاڤا ستوور و یا زراڤ و ئەڤەژی دبیتە ئەگەر ڤایروس زوو بچنە ژ ناڤدا و ببنە ئەگەرێ ھەودانان.
دیسان ئەگەر نەخوشیەک ھەبیت گەلەک دەرمانان بخوت بەرگریا لەشێ وێ کێم دبیت یان ئەوێ زوو نەجنە دەست ئاڤا زراڤ یان بەردەوام قەفزبون ھەبیت یان ئاڤێ کێم ڤەخوون ئەڤە ھەموو ئەگەرێن ھەودانن میزەرو ل دەڤ ژنان،
د.نازدارێ دیارکر ژی ژن ل ھەموو عەمران تووشی ھەودانان دبن، ب تایبەتی ل ژیێ ٢٠ تا ٣٠ ماوێ ھاوسەرگێریێ پێک دئینن،دیسا پشتی ٥٠ سالیێ و ژیێ بێھیڤیبوونێ ئەڤ ھەودانە زور دبن، چونکی ژنێ ھێک نامینن و ستروجین د مالبچووکی دا شولێ خوە ناکەت و کارێ ستروجینی ئەوە نەھێلیت ھەودان دمالبچووکیدا پەیدابن، لەورا دەمێ ستروجین نەمینت و کارنەکەت د ژیێ ٥٠ سالیێ دا دێ ھەودان زور بن و گۆت: ئەگەر ھەودانێن کورت خایەن چارەسەرنەکەن دێ بنە ھەودانێن درێژ خایەن و دێ دەنە گولچیسکا و دێ بەرکی ب شێوەکێ بەردەوام دروست کەن یان دبیت گولچیسکا ب راوەستینن و دیسان ھەودانێن وێ ب دەنە خوینێ و ژەھراویبوونا خوینێ پەیداببیت و ببیتە ئەگەرێ مرنێ.
د.نازدار رەئوف دەربارەی خوپاراستنێ ژ ھەودانان دیارکر پێدڤیە بەردەوام ئاڤێ ڤەخوون، چونکی ئاڤ بوریا دەستئاڤا زراڤ پاقژ دکەت و بەرکا و کریستالێن د میزلدانێدا دگەل خوە دەرێخین و گۆت: خوە گەلەک نەگرت دەمێ دەستئاڤا وان یا زراڤ دھێت(خوە ب حەسرینت) و پاراستنا پاقژیا جلوبەرگێن خوە بکەت دیسان چارەسەریا (قەفزبونێ) بکەت ئەگەرھەبیت، و وەرزشێ بەردەوام بکەت و پاراستنا کێشاخوە بکەت و دیسان خوارنێن تیژ نەخوت. .
د.نازدارێ خویاکر کو چارەسەریا ھەر نەخۆشەکی ل دووڤ ھەودان و ژیێ وان دمینت وەکی وان کەسان ئەڤێن کێماسیێن زکماکی ھەبن و بەرک چارەسەریا وان بکەت پاش یا ھەودانان، ئەگەر ژن بیت پشتی ھەر کریارەکا سێکسی دڤیت راستەو خو بچیتە دەستئاڤا زراڤ ، ئەگەر ھەدانێن سڤک بن ئەم ب حەپکا چارەسەردکەین، بەلێ ئەگەر گەھشتە رادێ تایێ ئەم ل نەخوشخانێ دنڤینین بۆ دەمێ ٢٤ یان٤٨ دەم ژمێر و سێلانێ د دەینێ تا ساخلەمیا وێ باشتر لێدھێت.
