ھەولێرێ چار یاریزان دوورخستن
ئەڤرۆ نیوز:
ژبەر ئاستێ خراب کارگێریا یانا ھەولێرێ بریار دا چار یاریزانێن خوە دووربێخیت و ھەڤبەستا ئێکێ دی ئیمزا بکەت.
زێدەتر د ڤی چارچوڤەی دا رێبین رەمزی بەرپرسێ راگەھاندنا یانا ھەولێرێ بۆ ئەڤرۆ نیوز گۆت: ل سەر داخوازا راھێنەرێ تیمێ نازم شاکر بریار ھاتە دان ھڤبەستا چار یاریزانان بھێتە ھەلوەشاندنن ژ بەر ئاستێ خراب یێ ڤان یاریزانان کو پێکھاتینە ژ دیار یاخی، کەریم دەلی و ھەردو یاریزانێن پیشەکار یێن ئەفریقی ئەبراھام ئەسیدو، سالیف کایتا.
ناڤھاتی ئەو چەندە ژی دیارکر ئەوان ب فەرمی ھەڤبەستا یاریزانێ گەنج یێ یانا برایەتی وریا کامیران ئیمزا کر بۆ تیما خولا عیراقێ.
