ھەولێر ھەڤبەستا سێ یاریزانێن عەرەب ئیمزا کر
ئەڤرۆ نیوز:
تیما تەپاپێ یا یانا ھەولێر پشتی دوھی دەربازبونا خوە بۆ خولا نایابا عیراقێ ل وەرزێ بھێت مسوگەر کری ھەر زوو دەست ب بەرھەڤیان کر بۆ وەرزێ نوو یێ خولا عیراقێ و ھەڤبەستا سێ یاریزانێن عەرەب ئیمزا کر.
راگەھاندنا یانا ھەولێرێ د پەیامەکی دا دیارکر ئەو گەھشتنە رێککەفتنێ دگەل ھەرسێ یاریزانان عەلی فازل و ماجد راشد و ئەحمەد عەلی حسێن ئیمزا کر بۆ بھێزخستنا رێزێن یانێ بۆ وەرزێ نوو یێ خولا عیراقێ یا تەپاپێ بۆ یانێن نایاب ل وەرزێ بھێت ئەوا بریارە ل دەسپیکا ھەیڤا ١٠ یا ئەڤ سالە دەسپێبکەت.
ھەمان ژێدەر ئەو چەندە ژی دیارکر نوکە بەردەوام یانا ھەولێر دانوستاندنا دگەل ھژمارەکا یاریزانێن بەرنیاس ل سەر ئاستێ عیراقێ دکەت و ل ماوێ بھێت ئەگەر گەھشتنە رێکەفتنێ دێ ھەڤبەستا وان ژی ھێتە ئیمزا کرن و راگەھاندن.
