ھەڤژینا خوە ب غەدر بەردا دا کو ئەڤیندارا خوە يا به‌رێ مارە کەت
ئه‌ڤرۆ نيوز:
پارێزەرەکا دادگەھا دھۆکێ راگەھاند، دیاردەک لنک ھندەک زەلاما ھەیە چو پووتەی ب دەروون و ھەستێ ژنێ نادەن و غەدرێ لێ دکەن و گۆت: ئەو ژی دێ ل دەسپێکێ حەز ژ کچەکێ کەن و ھێلن پشتی چەند سال دبورن دێ ھەڤژینا خوە بەردەن و ئەڤیندارا خوە یا ئێکێ مار کەن و بیر ل ھندێ ناکەن کو یێ غەدرێ ل ژنا خوە دکەن.
پارێزەر ئاواز مەجید بۆ ئەڤرۆ دیار کر کو، کوڕەکی بەری پێکئینانا ھەڤژینیێ پەیوەندی دگەل کچ خالەتا خوە ھەبوون و حەز ژێ دکر بەلێ نەبوو رزق و نەسیب، ئەوی بۆ خوە ئێکا دیتر ئینا، پشتی بورینا چەند سالەکا گۆتە ھەڤژینا خوە ھەکە ئەز تە بەردەم دێ بۆ خوە شوو کەی یان نە ژنێ ژی داخوازا وی رەتکر چونکی چو ژن ل سەر خوە قەبوول ناکەن زەلام بەردەن زەلامی دو داوایێن بەردانێ ل دادگەھێ تومار کرن بەلێ دادوەری رەتکرن چونکی چو ئەگەرێن مەزن نەبوون، ئەڤجا نەچار بۆ ژ دەرڤەی دادگەھێ ھەڤژینا خوە بەردا.
پارێزەرێ دیار کر ژی، دادگەھێ دووڤچوونا داخازیا وی کر وەسا دیار بو کو ژنێ چو کێماسی نینن و زەلام یێ نەحەقە چونکی چو خەمساری لنک ژنێ نینن و گۆت: چو ئەگەر و گرۆڤە لبەر دەستێ دادگەھێ نەبوون کا چو ناکوکی دناڤبەرا واندا ھەنە یان رەوشتێ ژنێ نەیێ باشە ژن ژ ھەموو لایەکێڤە یا بێ گونەە بو دادگەھێ داخازیا وی رەتکر، جارەکا دی ھەولدا و ئەڤ داخازیە جارەکا دیتر ژ دادگەھێ کر جارەکا دی داوایا وی رەتکرەڤە.
پارێزەر ئاوازێ بەحس لڤێ چەندێ ژی کر، زەلام نەچار بوو ھەڤژینا خوە ژ دەرڤەی دادگەھێ بەردەت ب ڤێ چەندێ ھەموو مافێن ژنێ بۆ دزڤرن و دھێتە قەرەبووکرن ھەکە زەلام فەرمانبەر بیت پشکەک ژ مووچێ وی دھێتە برین بۆ وێ و ھەکە کاسب بیت ژی ل دووڤ داھاتێ وی و نێرینا شارەزایێن دادگەھێ کا دێ چەوا بۆ دیار کەن.
ل دووماھیێ پارێزەرێ گۆت: دڤێ کێشێ دا غەدرە ل ژنێ ھاتەکرن، لایەکی دڤێت بەردەت و لایێ دی ژی دچیت ل دووڤ ئەوا دلێ خوە و بۆ خوە ئێکا دی بینیت ئانکو ژنکێ ھایژ ھەڤژینێ خوە نەبوو و وی حەزژ کچ خالەتا خوە دکر و بەختێ ئێکێ ب رەشکر و چوو کچ خالەت ئینا.
