ھەڤژینا من حەز ژ من ناکەت
زەلامەکێ ٢٧ دلێ خوە بۆ ررۆژناما ئەڤرۆ ڤەدکەت و دبێژیت: ئەڤە چوار سالە مە خێزان پێک ئینای لێ نە ل سەر بنەمایێ ئەڤینیێ ژبەرکو مالباتا ھەڤژینا من ئەو ب زوری دایە من ھەرچەندە من ئەو دڤیا بەس وێ ھەر ژ دەستپێکێ ئەز نە دڤیام من ژی گوت بەلکو پشتی ئەم خێزانێ پێک بینن حەز ژ من بکەت لێ مخابن بەردەوام نەخوشیە مابەینا مە و ئەم د ھەڤدوو ناگەھین بۆ زانین مە دوو زارو ھەنە ئەڤجا ھوون چ دبێژن بۆ ڤێ ئاریشا مە و ئەم چ بکەین ؟
برایێ ھێژا :
یا فەر د پێکئینانا خێزانێ دا ھەڤتێگەھشتنە، دویر ژ ھەر فاکتەرەکێ دی و ئەڤ چەندە یا دیارە دسەرکەفتنا خێزانا دا و مەرەم ژ پێکئینانا خێزانێ ئەوە کو ھەست بخوشیێ بھێتە کرن و دەمێ مروڤی بڤێت بێھنا خو ڤەدەت مال جھێ ھندێ بیت نە بەروڤاژی بیت ژبەر ژیان دێ بیت جەھنەم بو وان لەوما دەمێ دگەھتە ئەڤی ئاستی باشترە بھێتە چارەسەر کرن ب یا مە باشترە بەری بروژێ پێکئینانا خێزانێ بھێتە ئاڤاکرن لسەر بنیاتێ ئەڤینیێ بیت ژبەر کو دبیت ھندەک جارا پشتی ھنگێ ئەڤینی پەیدا ببیت بەلێ یا دروست ئەوە بھێتە دانان لسەر ئەڤینیێ و بدیتنا مە لدووڤ ئاخفتنێن تە ژیانا ھەوە بەرەف ئالوزیێ دچیت لەوما ھزرا خو باش بکە خو پتر نەئیشینە و ساخلەمیا خوە بپارێزە و بلا زاروکێن وە ل بریا وە بن.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123