ھەڤژینێ تە ئەڤ تشتە دڤێن بەلێ شەرم دکەت بێژیت
ئه‌ڤرۆ:
کەلەک کار د سەرێ ھەڤژینێ تە دزڤرن، ئەو بخوە ل گەل خوە ھزر تێدا دکەت، ئەو وان کاران بۆ خوە د سەرێ خوە دا ھلدگریت و حەز دکەت رۆژەکێ تو ئاشکرا بکەی، چونکو ئەو ھزردکەت ھەکە ئەو بێژیت یان داخوازێ ژ تە بکەت دێ وی د چاڤێت تەدا کێم کەت، یان ژی ژ مێژەیە ھەوە چو سحبەتێن کوور نەکرینە.
دبیت ەرسڤ ژ زەلامەکی بۆ یێ دی د جودا بن، بەلێ پێنج کارێن ھەڤپشک یێن ھەین ھەمی زەلام حەز دکەن ھەڤژینێن وان بزانن:
• ئەو حەز ژ تە دکەت:
تو جیھانا وی، خو ھەکە تو ھزرەکا دی ژی بکەی، نەیا ب ساناھیە زەلام دەربرینێ ژ ھەستێن خوە بکەت، سەرەرای کو ئەو ب ھندەک رێیێن دی دەربرینێ ژ ئەڤینا خوە دکەت بو تە، دبیتە تو حەز بکەی تە ھەمبێز بکەت و پەیڤێن خۆش بێژیت، بەلێ ئەو دەمێ تشتەکی بۆ تە دکڕیت یان ھاریکاریا تە بکەت د کارەکێ مال دا ب وێ رێ دەربرینێ ژ ڤیانا خوە کەت.
• ئەو بریندار دبیت دەمێ تو بەحسی وی ل نک ھندەک کەسێن دی دکەی:
دەمێ تو ترانەکێ ل نک ھندەکان دکەی و دیار دکەی کو ھەڤژینێ ف تشتەکێ نەکەفت ل ناڤ مالێ یان ھای ژ تە نینە، ئەو ڤێ چەندێ نابیت یا بکەنی، دەمێ تو ب ئاشکرایی رەخنێ لێ دگری ھەست ب کێماسیێ دکەت، پشتی دەمەکی و ھەکو ئەڤ چەندە دوبارە و سێبارە بوو ھەڤژینێ تە ئێدێ باوەری ب ڤیانا تە نامینیت.
• دڤێت ئەو ھژمارا ئێک بیت:
بێگۆمانە ھەڤژینێ تە قەدرێ تە دگریت و یێ بێخۆشە دەمێ تو گرنگیێ ددەیە زارۆیان بەلێ ھندەک جاران ھەست ب نە پووتەدانێ دکەت، وی دڤێت ھەست پێبکەت کو ئەو ل ھندەک دەمان ژ زارۆیان گرنگترە، بۆ نموونە دەمێ ھوون سحبەتەکا گەرم دکەن و زارۆ سحبەتا ھەوە ببڕن حەز دکەت تو پووتەی ب زارۆیان نەدەی و گوھێ تە ل وی بیت، ئەو ھەڤپشکێ تەیە د پەروەردەکرنا زارۆیان دا بەلێ وی نەڤێت چو ململانێ بۆ پووتەدانێ ل گەل وی ھەبن، ئەو حەز دکەت تو گرنگیێ پێ بدەی و ھندەک دەمی ل گەل وی ببۆرینی و جار جارا ل گەل دەرکەڤی، نۆرمالە تو بۆ زارۆیێن خوە دیار بکەی کو ھەڤبەندیا تە و بابێ وان ل بەری ڤیانا تە بۆ وان دھێت خو ھەکە بکەنە گری و قێژی، ئەڤە دێ بیتە وانەک بۆ وان کو ل پاشەرۆژێ فێر ببن.
• ھەستا وی ب بھایێ وەسا ھزرێ بۆ پەیدا دکەت کو دشێت ھەمی تشتێن تە دابین بکەت:
ھەکە ھەڤژینێ تە کەتە گرفتاریەکا دارایی و ھوون کەتنە دەمەکێ نەئارام بەرسڤ یا ئاشکرایە، وی دڤێت تو بزانی ئەڤ چەندە چەند یا بزەحمەتە بۆ وی و ھەست ب کێماسیێ ل بەرامبەری تە دکەت و ھەستا سەرنەکەفتنێ ل نک پەیدا دبیت، دەمێ تو ھەست ب نەئارامیێ دکەت ل سەر رەوشا ھەوە یا دارایی بزانە ھەستێ وی خرابترە دەمێ دزانیت داخوازیێن ھەوە پشتگوە دھاڤێژیت، پیچەکا رێزێ و تێگەھشتنێ ژ لایێ تەڤە و گەنگەشەکرنا بابەتی ب نەرم و بێدەنگی دێ ئاریشێ ل بەر چاڤێن خوە بچووک کەن.
• رێزگرتنا تە دڤێت:
ھەڤژینێ تە دڤێت تو رێزێ لێ بگری بۆ ھەر تشتێ ژ بەر تە دکەت، ھەروەسا دڤێت تو رێزێ لێ بگری وەکو ئەو ھەی، دەمێ تو خوە نەرازی دکەی ل سەر وان کارێن نەشیایی ب دروستی ئەنجام بدەت ئەو تو یا سستاھیێ دئێخیە بھایێ وی، ھەر گازندەکا تو ژێ بکەی پێنج تشتێن ئەرینی ل گەل بۆ بێژە دا ھەستا بێ ھیڤیبوونێ ل نک پەیدا نەبیت، د ناڤ فشارا ژیانێ و ئەرکێن رۆژانە دا مرۆڤ رێزگرتنێ ژبیر دکەت و ھەمی گاڤان دەم بۆ گازندان یێ ھەی، بزاڤێ بکە ھندەک دەقیقان ڤەدزە بەری نڤستنێ بۆ ھەڤژینێ خوە دیار بکە کو تو رێزێ لێ دگری.
