ھەڤژینێ من دخوازیت ب رێیەکا نەشەرعی کریارا سکسی بکەت
ئه‌ڤرۆ نيوز:
ژنەک کو خودانا زارۆیەکێ یە بو گوشا دلێ خوە ڤەکە دبێژیت: دەمێ ئەز دکەڤمە د عادێ دا، زەلامێ من نەشێت کریارا سکسی ل گەل من بکەت، لەورا دخوازیت ب رێیەکا نە شەرعی ئانکو (لیواتێ) ڤێ کریارێ دگەل من بکەت، ئەڤجا ئەز ناھێلم و دبیتە جھێ دلمانێ دناڤبەرا من و وی دا، پسیار ئەڤەیە، چاوا ئەز ئەوی رازی کەم بێ دلنەخۆشی دناڤبەرا مەدا پەیدابیت، چونکو ئەز گەلەک حەز ژ ھەڤژینێ خوە دکەم؟.
خانما ھێژا :
پەیوەندیا ژن و مێرا دڤێت بھایێ خوە ھەبیت و قودسیەکا تایبەت ھەبیت و راستە لایێ سکسی گرنگیا خوە یا ھەی بەلێ دڤێت ھەردو بلندتر بن و گرێدانا روحی و دەروونی مەزنتر بیت ژلایێن دی و باشترە کارێن وان د چارچوڤێ نورمالدا بن و بزانن ھەر کارەکێ ژدەرڤەی وێ چەندێ د بەرژەوندیا ھەردوان نابیت، ئەڤجا بلا ھزرێن ھەوە مەزنتر بن ژوان دیتنا، خانم بزانە دیتنا تە یا عەقلانەیە وبریارا تە یادروستە و ھەر کارەکێ دیر ژ رەوشتێ دروست د ئایندەدا پروژێ خێزانێ دێ ھەلوەشینیت ژبلی توشبونا نەخوشیێن جەستەیی، دڤێت زەلام ھەول بدەت ھەردەم پشتەڤانێ پەیوەندیێت یاسایێ بیت دگەل ھەڤژینا خوە و ھزرێن شاش د مێشکێ خوەدا دویر بێخیت و باش بزانە ئەو کار یێ دویرە ژ رەوشتێ خەلکێ مە یێ ئاڤا کری لسەر راسپاردێن ئایینی و لدووڤ ھەموو ئایینا نابیت ئەڤ کارە بھێتە ئەنجام دان و ھەروەسا ژلایێ یاسایێ ڤە چێنابیت، ئەڤجا باشترە رێکێن جودا و یێن شەرعی بکاربینن ژبو تێرکرنا حەزێن خوە دوی ماوەیی دا.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123