ھەکە دلێ تە ئێشا دێ چ کەی؟
ئەڤرۆ نیوز:
دشیاندایە ئەم دلێ خوە ساخلەم راگرین ئەگەر ئەم شیاین خوارنا دروست ب کاربینین کو نە ل دوور و نە ل نێزیک کارتێکرنێ ل خوینگێرێن مە نەکەت، تو دشێی دلێ خو ساخلەم و ب ھێز رابگری کو ھەموو شیانێن وی بمینن و بشێت بەردەوامیا دەمژمێرێ خوینێ بۆ لەشێ تە پال بدەتن و خوینا خوە ب خوە ژی نوو بکەتن.
ل دووڤ ئامارێن کو ل بریتانیا ھاتینە کرن دیاردبیت ھەر دو خولەکان کەسەک تووشی ئێشا دلی دبیت، ئەڤ رێژەیە گەلەک زێدەترە دناڤ وەلاتیێن ئیتالی و فرەنسی و ئیسپانی دا، ھەروەسان نەخۆشیێن دی یێن دلی ژ مەزنترین ئەگەرێن مرنانە و بۆ نموونە سالانە ١٤٠,٠٠٠ کەس ژ ئەگەرێ ژانەیا دلی گیانێ خۆ ژدەست ددەن کو ئێک ژ چوار زەلامانە و دەربارەی ژنان ژی ئێک ژ پێَنجانە.
ئەو دەرمانێن نەخۆشێن دلی گەلەک ھەوجە دبنێ، دبێژنێ حەبێن ئەسپرین و پتریا زانایێن ساخلەمیێ ل گەل وێ چەندێ نە کو پێدڤیە نەخۆش حەبێن ئەسپرین ل بن بالیفکا خوە بدانیت و دەمێ ھەوجە دبیتێ ب کاربینیت.
ھندەک نیشان بۆ نەخۆشیێن دلی ھەنە و دگەلدا ئێشان ل ئالیێ مللێ چەپێ پەیدادبیت، بەلێ پێدڤیە تو بزانی کو ئێشان یا دژوارە و دگەلدا عێلنجی پەیدادبن و خوھدانەکا مەزن لەشی ددەت، ھندەک جاران ژی ئەڤ نیشانە سڤکتر پەیدادبن و (رەنگە ژی ل دەمێ تووشی نەخۆشیەکا دلی د بی چ ئێشان ل سینگێ تە پەیدانەبن).
پتریا مرۆڤان ل دورێن ٦٠% ئەوێن تووشی ژانەیا دلی دبن د نڤستنێ دا ھشیار نابن، ھەر چاوان بیت ھەکە ئێشان دگەل دا بیت ئێکسەر ژ خەو راببە و دو حەبێن ئەسپرین بکە ددەڤێ حۆ دا و دگەل ئاڤێ ب داعویرە و پشتی ھینگی تێلەفونا جیرانەکێ خوە یان ئێک ژ مالا خوە بکە و بێژێ ژانەیا دلی یا بۆ من پەیدابووی و من دو حەپک یێن خوارین.
ب روونە خوارێ ل سەر کورسیەکێ یان تشتەکێ نەرم و خۆ بگرە ھەتا ئەو دگەھنە تە.
بلا ئەو کەسێ تە دبەتە نەخۆشخانێ ژبیر نەکەت چیروکا تە و خوارنا حەبێن ئەسپرین ب دروستی بۆ نوشداری ڤەگێریت داکو نوشدار ژی ب یا پێدڤی راببیت و بزانیت کو تە تشتەکێ کری بەری بگەھیە نەخوشخانێ.
