ھەکە ل دوگیانیێ دا تووشی ئەنفلاوەنزایێ بووی دێ چو کەی؟
ئه‌ڤرۆ نيوز:
کوئەندامێ بەرگریێ ل دەڤ ژنا دوگیان بێھێز دبیت و پتر تووشی وەرگرتنا ڤایرۆسان دبن، پێدڤیە ژن خوەژ ئەنفلاوەنزایێ ب پارێزیت، چونکو دەلیڤەیێن ژبەرچوونا زارۆی زێدەدکەت، ب تایبەت ژی ل ھەر سێ ھەیڤێن ئێکێ ژ دوگیانیێ، ھەروەسا زارۆبوونا پێشوەخت ژی پەیدادکەت و ژن پتر د نەخوشخانێ دا دھێنە نڤاندن. بۆ خوپاراستنێ ژ ئەنفلاوەنزایێ پێدڤیە ل دووڤ ڤان رێیان کاربکەی:
١- ڤاکسینێ ئەنفلاوەنزایێ وەربگرە: وی ڤاکسینی مفا بۆ دایکێ و زارۆی ھەیە، ب رێیا ھەڤالبچووکی دگەھیتە زارۆی و گەلەک ڤەکولین دیاردکەن کو ھاریکاریا وی دکەت ھەتا ژیێ شەش ھەیڤیێ وی ژ ئەنفلاوەنزایێ بپارێزیت.
٢- دەستێن خوە باش بشوو: رۆژانە چەند جارا دەستێن خوە بشوو داکو ڤایرۆس پێڤە نەمینن، ئاڤا گەرم و سابوونێ ب کاربینە و بەر و پشتێن وان بشوو و پاشی دناڤ تلان دا و ل بن نینووکا و ب کێماتی ٢٠ چرکا بشوو، ھەکە ئاڤ و سابوون نەبوون کەرستێن تافیلکەر ب کاربینە.
٣- دەستێ خوە نەکە دێمێ خوە: ژبەرکو ب رێیا دەستان ڤایرۆس دھێتە ڤەگوھاستن بۆ دفنێ و چاڤا و تەئکید بکە کو دەستێن تە د شووشتینە و د پاقژن بەری بکەیە دێمێ خوە.
٤- میکرۆبان بکوژە: ھەر تشتێ دمالدا تو دەست دکەیێ ھەول بدە باش پاقژ بکە و ب تایبەت ھەکە کەسەکێ نەساخ ل مال یان ل جھێ کارێ تە ھەبیت.
٥- خوارنا ساخلەم بخوو: گەلەک فێقی و زەرزەواتی بخوو، رۆژانە ٥-٩ جارا، ئەڤە دێ ھاریکاربن بۆ بھێزکرنا بەرگریا لەشێ تە.
٦- نەچە جھێن ب قەرەبالغ: ژبەرکو گەلەک کەسێن نەخوش ل وارا ھەنە و دێ نەخوشیێ ڤەگوھێزنە تە.
٧- بێھنا خوە ڤەدە: رۆژانە ب تەمامی بێھنا خوە ڤەدە داکو بەرگریا لەشێ تە بھێز بکەڤیت، تو دشێی راھێنانێن وەکو یوگایێ بکەی و ئەنجامدانا سێکسی ژی چو ئاریشە نینە.
