یابـان پاتری و بزوێنه‌رێن ترۆمبێلان ناهـێلیت
هه‌موو ترۆمبێلێن جیهانا ئه‌ڤرۆ یان ب بزوێنه‌ر یان ژی پاتریێن كاره‌بێ، هنده‌ك ژی ب بزوێنه‌رێن پانزین و گازێ و هنده‌ك ژی تێكهه‌ل كار دكه‌ن، به‌لێ وه‌لاتێ یابانێ د نووترین پێشكه‌فتنا خوه دا دڤێت دووماهیێ ب ڤان هه‌موو ره‌نگێن كاركرنا ترۆمبێلان بینیت.
یابان بزاڤێ دكه‌ت هنده‌ك ترۆمبێلێن نوو بێخیته د خزمه‌تا مرۆڤاتیێ دا، وه‌كو شه‌مه‌نده‌فرێن كاره‌بێ ب راكرنا مۆگناتیزی كار بكه‌ن.
هنده‌ك زانا ل په‌یمانگه‌ها ئوكینو یا یابانی كار ل سه‌ر وێ چه‌ندێ دكه‌ن كو ترۆمبێل ب راكرنا مۆگناتیزی كار بكه‌ن و ب ڤێ چه‌ندێ ژی ترۆمبێل دێ پیچه‌ك ژ ئه‌ردی بلندتر بیت ب رێیا رێیه‌كا تایبه‌ت، دهێته چاڤه‌رێكرن ئه‌ڤ ترۆمبێله ب مه‌زاختیه‌كێ كێمتر ژی بهێته به‌رهه‌مئینان.
ئه‌ڤان ڤه‌كۆله‌ران چه‌نده‌كا رێ بۆ دروستكریه كو وه‌كو رێیا شه‌مه‌نده‌فرێ یه ئه‌وێن ب رێیا مۆگناتیسی یان ژی وه‌كو یێن ماگلیف كو ل چین و یابان و چه‌ند وه‌لاتێن ئورۆپی هه‌نه.
ئه‌ڤێ بلندكرنا مۆگناتیسی د وارێ شه‌مه‌نده‌فران دا سه‌ركه‌فتنه‌كا ئێكجار مه‌زن ب ده‌ست خوه ڤه ئینایه و دهێته چاڤه‌رێكرن د وارێ ترۆمبێلان ژی دا سه‌ركه‌فتنێ بینیت، به‌لێ دێ پێدڤی، ئه‌ڤجا نها كار ل سه‌ر هندێ دهێته كرن هێز و مۆگناتیزێن كێم بهێنه بكارئینان، هه‌كه سه‌ركه‌فتن د ڤی واری دا ئینا، ئێدی دێ هه‌موو جادده و كولان دێ د بن كارتێكرنا مۆگناتیز و هێزێ دا بن و پاشه‌رۆژ دێ بۆ ڤان ره‌نگه ترۆمبێلان بیت یێن كو بێ پاتری و بزوێنه‌ر كار دكه‌ن.
