یاخیبوویێ كیژان په‌رتووكێیی!
مهاباد حه‌مید
ب پیرۆزی من دا دووڤ ته
ب چاڤێن گرتی
من ده‌ست ل سه‌ر دلێ ته دانا و
سووند پێ خوارن
بزاڤێ دكه‌م ژ ڕێیا ته ده‌رنه‌كه‌ڤم
كافر نه‌بم،
من كه‌رب ژ ڤێ باوه‌ریێ ڤه‌دبن
د دلێ ژوورا ته دا
په‌ره‌ستگه‌هه‌ك و
د دلێ ته دا باوه‌ردارم
دوور دچی، ژ ته حه‌ز دكه‌م
نێزیك دبی، هێژ پتر..
با ل سینگێ ته دده‌ت و
بۆ من خه‌ریبیێ دئینت
كه‌ره‌م بكه،
ل ده‌ری نه‌ده
خوداوه‌ند د ده‌ستووردایینه
ل سه‌ر خوین و روحا مه دژین
ته كیڤه دڤێت.. هاتم
ب هه‌می پارچه‌یێن خوه ڤه
یێن هه‌ر یه‌ك ل وه‌لاته‌كی
هه‌مه..
هێژایێ ژ بایی هاتی لێكدان
زیوسێ هه‌می زه‌مانان
ما تو هزر دكه‌ی قیبله‌هه‌ك هه‌یه و
من تو نه دانابییێ!
ئاسمانه‌ك هه‌یه و تو خودانێ وی نه‌بی!
نینه..
ژ باوه‌ردارا خوه باوه‌ر بكه
زه‌مانه‌كه و ئه‌ز ل په‌ی ته
جاران چاڤێن ته ده‌ستهه‌لاتن و
جاران پشت دده‌ی من
ده‌ستێن من ببێ وژدانی به‌ردده‌ی
من راده‌ستی بۆشاییا
ڤێ ژیانا.. بێی خودا
بێی باوه‌ری
بێی خوه، دكه‌ی
ئه‌گه‌ر خوانده‌ڤان بی..
بخوینه
ل سه‌ر دیوارێن جهێن پیرۆز.
كه‌لهێن خوه ل به‌ر شه‌ڕا گرتین
نڤیسیه:
ئه‌ز.. تو په‌ڕستم و
تو.. خوه‌په‌رستی..
