یادا سەرهلدانا باژێڕێ دهۆكێ دێ هێتە ساخكرن
ئەڤرۆ
ب هەلكەفتا بۆرینا 32 سالان ل سەر سەرهلدانا جەماوەرێ باژێڕێ دهۆكێ دژی زۆلم و زۆرداریا ڕژێما بەعس و رزگاركرنا باژێڕی، رێڤەبەریا گشتی یا رەوشەنبیری و هونەری ل پارێزگەها دهۆكێ ب پشتەڤانیا د. عەلی تەتەر، پارێزگارێ دهۆكێ دێ ئاهەنگەكا هونەری ئەنجام دەت، دیسا بڕیارە ب هەمان هەلكەفت هەژمارەكا چالاكیان ژی بهێنە ئەنجامدان.
ب پشتەڤانیا د. عەلی تەتەر، پارێزگارێ دهۆكێ ئاهەنگا سەرهلدانا باژێڕێ دهۆكێ سوبەهی رۆژا سێشەمبی 14/3/2023 ب پشكداریا هۆنەرمەندان “شاكر محەمەد ئەمین” و ”رێكێش سەیرانی” و هەروەسا تیپا رباد یا موزیكێ ل هۆلا كۆنفرانسان د ناڤ كەمپا زانكۆیا دهۆكێ دا و ل دەمژمێر یازدەی سپێدێ بهێتە گێڕان.
پارێزگەها دهۆكێ دیار كریە كو هەموو وەلاتیێن باژێڕێ دهۆكێ بۆ ڤێ ئاهەنگێ د داخوازكرینە.
وەكو دیار ل سپێدەهیەكا زوو یا رۆژا 14/3/1991 جەماوەرێ باژێڕێ دهۆكێ دژی زۆلم و زۆرداریا ڕژێما بەعس سەرهلدان دەستپێكر و باژێڕ ژ دام و دەزگەهێن ڕژێمێ پاقژكر و مزگینیا ئازادی و سەركەفتنێ بەلاڤ كر.
