یادگار یونس: ب وەرگرتنا پۆستێ راهێنەریێ پەشمان نینم
هەرهین محەمەد:
داخویانیەكێ دا یادگار یونس راهێنەرێ ئەكادیمی یا پیرس بۆ ئەڤرۆ گۆت: یا من ژ راهێنەریێ وەرگرتی ئاڤاكرنا یاریزانی ژ ژیێ دەه سالی بۆ دوازدە سالی یە ل سەر رێیەك و پلانێن دروست و دا كو د پاشەرۆژێ دا ب بنە باشترین یاریزان و خوە گەلەك ماندی دكەم و بهێن فرەهیەكا مەزن بۆ من چێبوویە كو ڤان زارۆیان فێركەم، لێ هەتا نوكە من چو نەدایە راهێنەراتیێ، چونكو هەتا نوكە من د خول و قارەمانیان دا كارنەكریە، یان من دەستكەفتێن مەن هەبن من دابیتە راهێنەراتیێ.
ناڤهاتی زێدەتر ژی گۆت: نەیێ پەشێمانم كو بوویمە راهێنەر و دەمێ ئەز یاریزان ب دووماهی هاتیم و هاتیمە دمەیدانا راهێنەرایەتیێ دا پتر كەیفخوشم، ژبەركو كارێ من هەر وەرزشە من ڤێت ئەو ژیێ مایی تەرخان كەم ژ بۆ وەرزشا پارێزگەها دهۆكێ و ئافراندنا یاریزانێن باش، ل هەمی جیهانێ ژی وەسایە دەمێ یاریزان دگەهیتە ژیەكی دڤێت دەست ژ یاریزانیێ بەردەت و ئەڤجا هندەك كەس هەنە پتر حەز ل سەر وەرزشێ هەیە و كاروانێ خوە یێ وەرزشێ ب دووماهیی بینن وەكو راهێنەر و هندەك كەسێن دی كارەكێ دی دكەن، لێ یا من دڤێت ژیێ مایی ژی دخزمەتا وەرزشێ دا بورینم.
یادگاری گۆت: وەكو ستاف وكارگێرییا ئەكادیمییا پیرس ئەم ئێك دەستین ژ بۆ چێكرنا یاریزانان ل سەر بنەمایەكێ یێ دروستێ وەرزشی ژبۆ چێكرنا یاریزانا و یانەیێن دهۆكێ مفاداربن و دئەڤ سالەدا مە یاریزان چێكرینە د دژیێ زاروكینیێ دا بوون و گەهشتینە ئەوی ژی ل یانەیێن پارێزگەهێ یاریێ بكەن.
