یاریا ئاگری ب وەکھەڤی ب دووماھی ھات
ئەڤرۆ نیوز:
یاریا ئاگری یا بوکسانێ دناڤبەرا بوکسڤانێ ئەمریکی دیونتای وایلدر و یێ ئنگلیزی تایسون فیورە ل لوس ئەنجلوس ب وەکھەڤی ب دووماھی ھات.
ب ڤی ئەنجامی بوکسڤانی ئەمریکی دیونتای وایلدر شیا پاراستنێ ل سەر ناسناڤێ کێشا گران یێ جڤاتا بوکسڤانێن جیھانێ بکەت.
دڤێ یاریێ دا دو جاران دھاتە چاڤەرێکرن بوکسڤانێ ئەمریکی یاریێ د بەرژەوەندا خوە دا ب دووماھی بینت، لێ بوکسڤانێ ئنگلیزی شیا ب شێوەکێ سەریر و نەچاڤەرێکری رابیتە سەرپێت خوە و ل پرانیا دەمێن ڤێ یاریێ فیوری شیابو ب رێکا بەرەڤانیکرن و ھێرشکرنا ب شارەزی کونترولێ ل سەر یاریێ بکەت و ژلایێ خوەڤە شیا پاراستنێ ل سەر ئەنجامێن خوە بکەت و ھەتا نوکە توشی چو خوسارەتیان نەبویە.
فیوری ھەتا نوکە شیایە 27 سەرکەفتنا تومار بکەت و ل سالا بوری دوبارە ڤەگەریا جیھانا بوکسانێ پشتی بو ماوێ دو سالان ھاتیە راگرتن ب ئەگەرا ب کارئینانا کەرستێن بھێزکەر و دیسان وایلدر ئەمریکی 40 سەرکەفتن دکاروانێ خوە یێ پیشەکاریێ دا یێن کەین 39 ژ وانا ب دربێ کەفتنێ بویە.