یاریزانه‌كێ زاخۆ به‌رهه‌ڤیا بۆ ئۆلۆمپیادا جیهانی دكه‌ت
ئه‌ڤرۆ،
د دیداره‌كێ دا كوڕێ باژێرێ زاخۆ و یاریزانێ یاریا خوه‌لێگدانا یانا ئه‌مانه‌ت به‌غداد دیاركر ئه‌و به‌رهه‌ڤیا بۆ پلێتا ده‌ربازبوونێ بۆ ئۆلۆمپیادا جیهانی دكه‌ت ئه‌وا دێ ل وه‌لاتێ چینێ هێته كرن و ئه‌گه‌ر ئیداره‌یا سه‌ربه‌خۆیا زاخۆ پشته‌ڤانیا وی بكه‌ت شیانێن هه‌ین ئه‌نجامێن دلخوشكه‌ر ب ده‌ستخوه‌ڤه بینت.
زێده‌تر شه‌هید حسنی بۆ رۆژناما ئه‌ڤرۆ گوت: وه‌كو یاریزانه‌كێ باژێرێ زاخۆ به‌رده‌وامم ل سه‌ر راهێنانێن خوه بۆ سیسته‌مێ رۆمانی پێخه‌مه‌ت باشترین به‌رهه‌ڤی بۆ ڤاڤارتنێن ده‌ربازبوونێ بۆ ئۆلۆمپیادا جیهانی و هه‌كه پشته‌ڤانی ژلایێ ئیدارا سه‌ربه‌خۆیا زاخۆ بهێته كرن گه‌شبینه دێ ئه‌نجامێن دلخۆشكه‌ر ده‌ستڤه ئینت و ب ئۆمێده وه‌كو ئێكه‌م یاریزانێ كوڕد و خه‌لكێ زاخۆ بشێت پشكداری ئۆلۆمپیادا بیت، لێ ئه‌ركێ وی بزه‌حمه‌ت بیت ئه‌گه‌ر چو پشته‌ڤانی نه‌بیت و ئه‌ڤ هیڤی یه نامینن له‌ورا دخوازین به‌رپرسێن زاخۆ پشته‌ڤانیا من بكه‌ن بۆ جهئینانا ڤێ ئارمانجا دیرووكی.
ژلایه‌كێ دووڤه ناڤهاتی ئه‌وچه‌نده ژی دیاركر وه‌كو یاریزانێ یانا ئه‌مانه‌ت به‌غداد به‌رده‌وامم و گرێبه‌ستا من ل گه‌ل وان بۆ ماوێ پێنچ سالان بوویه و بتنێ ئێك وه‌رز مایه ب دووماهی بهێت، لێ هه‌ر د نوكه‌دا دو یانێن ئیراقێ به‌رهه‌ڤیا خوه دیاركریه ب هه‌ر شێوه‌كی گرێبه‌ستێ ل گه‌ل من ئیمزابكه‌ن، من ژی چو به‌رسڤ نه‌داینه ژبه‌ركو ل گه‌ل یانا خوه كه‌یفخووشم و ئه‌و گه‌له‌ك هاریكاریا من دكه‌ن و سه‌ره‌ده‌ریا وان یا جوانه تایبه‌ت پشتی بۆ قاره‌مانیا عه‌ره‌بی ڕێك دایه من ب شێوێ خواستن یاریێ بۆ یانا خوه یا دایك زاخۆ بكه‌م ئه‌ڤ پێنگاڤه چو جاران نا هێته ژبیركرن.
لدووماهیێ ناڤهاتی كه‌یفخووشیا خوه دیاركر كو پشتی هاتنا ئیدارا سه‌ربه‌خۆیا زاخۆ و كارگێریا یانا زاخۆ هه‌ست پێ دكه‌م پشته‌ڤانیه‌كا باش و به‌رچاڤ بۆ تیما خۆلێگدانێ ل باژێرێ ده‌لال دكه‌ن و ئه‌ڤچه‌نده جهێ ده‌ستخوشیێ یه و ڕێكێن پێشكه‌فتنێ نه.
