یاریزانه‌كێ زاخۆ به‌رهه‌ڤیا بۆ قاره‌مانیا جیهانێ دكه‌ت
ئه‌ڤرۆ،عه‌لی حاجی :
یاریزانێ تیما له‌شجوانیا باژێرێ زاخۆ روستم محه‌مه‌د بۆ رۆژناما ئه‌ڤرۆ دیاركر كو ئه‌و یێ به‌رهه‌ڤیا دكه‌ت بۆ قاره‌مانیا جیهانی ئه‌وا چاڤه‌ڕێ یه هه‌ڤركیێن وێ ل دووماهیا چڕیا دویێ یا بهێت ئێك ژ وه‌لاتێن ئورۆپا مێڤانداریا وێ بكه‌ت.
زێده‌تر ناڤهاتی گوت: پشتی ب سه‌ركه‌فتیانه شیایم وه‌كو تاكه كورده‌ك پشكداری قاره‌مانیا ڤه‌گری یا نێڤده‌وله‌تی ل لوبنانێ بوویم و رێزا دویێ بۆ كێشا خوه ب ده‌ستخوه‌ڤه بینم سه‌رباری نه‌بوونا پشته‌ڤانیێ و نه‌پوودانا كو زێده‌تری 20 وه‌لاتا پشكداری كربوو و هه‌ڤڕكیێن وێ ل شه‌مبیا بوری ب دووماهی هاتین، ئه‌ڤ قاره‌مانیه تایبه‌تمه‌ندیا خوه هه‌یه ژبه‌ركو یاریزانێن ماسته‌ر و ده‌وله‌تی پشكدار بوو و هه‌ڤڕكیا بهێز د هاته ئه‌نجامدان، لێ یا سه‌رنج راكێش سه‌رباری داخوازیا من ژ لایه‌نێن په‌یوه‌ندیدار كری كو پشته‌ڤانیێ بكه‌ن كه‌سێ چو پووته ب داخوازیا من نه كر و ژبۆ هندێ ئه‌ڤێ ده‌لیڤا جیهانی ژ ده‌ست نه‌ده‌م نه‌چاربووم ژلایێ هۆله‌كا وه‌رزشی ل باژێرێ زاخۆ و سه‌ر كیستێ خوه یێ تایبه‌ت هه‌موو پێدڤیێن خوه دابینبكه‌م بۆ زانین وه‌كو یاریزانه‌كێ كوردستانێ پشكداری كربوو و رێزا دویێ ژی ب ئینایی كو هه‌مبه‌ری یاریزانێن خودان هێز و له‌شجوانی یا ب سانه‌هی نه‌بوو ئه‌ڤێ ئه‌نجامی بینن.
