یاریزانهكێ پارێزگههێ دێ پشكداری قارهمانیا نێڤدهولهتی بیت
ئهڤرۆ، قهیس وهیس
دهێته چاڤهڕێ كرن سوبههی پێنچ شهمبی یاریزانێ یانا زاخۆ هارۆن عهبدوللا ل گهل ههلبژارتیێ ئیراقێ بۆ یاریا تایكۆاندویێ بهر ب وهلاتێ بۆلگاریا بچیت ژبۆ پشكداریێ د قارهمانیا نێڤدهولهتی دا ئهوا بڕیاره ههڤڕكیێن وێ ل 18ێ ڤێ ههیڤێ ههتا حهفتی تهباخا بهێت باژێرێ سۆفیا یێ بۆلگاریا بهێته كرن ب پشكداریا زێدهتری 1500 یاریزانان ژ پرانیا وهلاتێن جیهانی.
لدور ڤێ یهكێ و د داخویانیهكێ دا سهلام عهلی راهێنهرێ یاریزانێ ناڤهاتی بۆ رۆژناما ئهڤرۆ گۆت: ب پشكداریا 14 یاریزانان ههلبژارتیێ ئیراقێ دێ پشكداری قارهمانیێ كهن ژوانا چار یاریزانێن كوردستانێ نه كو یاریزانێ مه هارۆن عهبدوللا بۆ كێشا 57 كگم ل سهر ئاستێ تازهپێگههشتیان دێ ههڤڕكێی بۆ رێزێن پێشیێ كهت، سهرباری جارا ئێكێ یه یاریزانێ مه پشكدار بیت لێ شانازیه كو دێ ئێك ژ نوونهرێن وهرزشا كوردستانێ و پارێزگهها دهۆكێ بیت د قارهمانیهكا فهرمی و سهر ئاستێ جیهانێ دا بیت، ئهڤچهنده ژی یا ب سانههی نینه لێ من باوهریهكا ئێكجار مهزن ب شیانێن هارونی ههنه و د كهمپێ راهێنانێ دا بوویه جهێ باوهریا راهێنهرێ خوه یێ ئیرانی ل بهغدا و دێ مینت بۆ ئهو كاودانێن یاریێ دكهت ژلایێ دهرۆنی ڤه.
ژلایهكێ دووڤه راهێنهرێ ناڤهاتی ئهوچهنده ژی گۆت: ل یانا زاخۆ باشترین یاریزانێن تایكۆاندویێ بۆ ژیێن بچووك ههنه لێ مخابن پشتهڤانی بوو نا هێته كرن هیڤییا مه ژ كارگێریێ ئهوه دۆڤچوونا یاریزانێن باژێرێ خوه بكهت ئهوێن خودان شیان و بههرهمهند ژبهركو پاشهرۆژهكا گهش ل بهراهیێ ههیه.
