یاریزانێن كوردستانێ كۆنترۆلا كۆپا ئیراقێ كر
ب شێوه‌كێ فه‌رمی 13 یاریزانێن هه‌رێما كوردستانێ كونترۆلا رێزێن پێشیێ و ناسناڤێ كۆپا ئیراقێ یا یارییا تێنسا ل سه‌ر مێزێ بۆ ژیێن جودا كرن بۆ كوڕان ل سه‌ر ئاستێ پارێزگه‌هان، پشتی شیایین رێزێن ئێكێ هه‌تا سێیێ د پڕانییا ئاستێن جودا بكه‌ن، د هه‌ڤڕكیێن واندا ئه‌وا بۆ ماوه‌یێ سێ رۆژا ل پارێزگه‌ها سلێمانیێ هاتیه كرن و ئه‌نجام بڤی ڕه‌نگی بوون.
بۆ ژیێن ل بن 11 سالی، 1- حه‌یده‌ر كه‌میل- سه‌ماوه، 2- یونس یه‌حیا- هه‌ولێر، 3- ئه‌حمه‌د عه‌بدولناسر-زیقار.
بۆ ژیێن ل بن 13 سالی، 1- ئه‌ندیا كارزان- سلێمانیه، 2- ئه‌نیس وه‌لید- كه‌ركووك، 3- لاوی ژیار- سلێمانییه.
بۆ ژیێن ل بن 15 سالی، 1-عه‌بدولمه‌لیك قه‌هار- هه‌ولێر، 2-دارین چاوان- سلێمانیه، 3- ته‌با دانه- هه‌ولێر.
بۆ ژیێن ل بن 17 سالی، عه‌بدولغفار قه‌هار- هه‌ولێر، 2- محه‌مه‌د یاسین- سلێمانیه، 3- هێژا به‌شار- دهۆك.
بۆ ژیێن ل بن 19 سالی دا، 1-ئاشكان كارزان – سلێمانیه، 2- عه‌مار محه‌مه‌د- دهۆك، 3- عه‌بدولحه‌ق قه‌هار- هه‌ولێر.
ل دۆر ڤێ قاره‌مانیێ هه‌رده ره‌ووف سه‌رۆكێ فدراسیۆنا ته‌پا ل سه‌ر مێزێ یا ئیراقێ دیار كر ئه‌ڤ قاره‌مانییه تاقیكرنه بۆ ئه‌وا یاریزانێن ل سه‌ر ئاستێ ئیراقێ حه‌زا پشكداریێ دناڤ رێزێن هه‌لبژارتیێ ئیراقێ دكه‌ن، له‌وما ژی مه ئه‌ڤ قاره‌مانییه ب شێوه‌یێ ڤه‌كری دانا، دیاربوو هه‌ڤڕكییه‌كا ب هێز دناڤبه‌را یاریزان هه‌بوون و جوداهییا كێم یا خالان ژی ئه‌نجام زوو دیار نه دكر و گۆت: وه‌كو قۆناغا ئێكێ ئه‌م شیاین كۆمه‌كا باش یا یاریزانێن خودان شیان ده‌ستنیشان بكه‌ین دێ قۆناغا دویێ ژی چاڤه‌ڕێ بین و گه‌شبینم دێ كۆمه‌كا باشتر هه‌بن و كۆنترۆلكرنا پرانییا رێزبه‌ندییان ژلایێ یاریزانێن كوردستانێ نیشانا پێشكه‌فتنا ڤێ یاریێ یه ل وان پارێزگه‌هان تایبه‌ت ل سلێمانیێ و هه‌ولێرێ.
