یاریزانێن پارێزگەهێ ل رێزێن پێشیێ د قارەمانییا كوردستان یا نیڤدەولەتی دا هاتن
چار یاریزانێن پارێزگەها دهۆكێ ل سەر ئاستێ كوڕان و كچان شیان رێزێن ئێكێ د ژیێن جودا یێن قارەمانییا كوردستان یا نێڤدەولەتی بۆ یارییا شەترەنجێ ب دەستڤە بینن، د هەڤڕكیێن واندا ئەوا ب پشكدارییا 64 یاریزانان ژ وانا 18 یێن پارێزگەهێ ل باژێرێ دهۆكێ ژلایێ فیدراسیۆنا شەترەنجا كوردستانێ هاتییە رێكئێخستن.
ئەنجامێن یاریزانێن پارێزگەها دهۆكێ بڤی رەنگی بوون د ژیێن جودا: ل سەر ئاستێ كوڕان، بۆ ژیێ 20 موستەفا كەمال جەلالەدین رێزا ئێكێ، عومەر عەبدولسەلام بۆ ژیێ 18 سالی، ل سەر ئاستێ كچان، لیزان ئێحسان بۆ ژیێ 14سالی و راما بێكەس بۆ ژیێ هەشت سالی رێزا سێیێ.
ل دۆر ڤێ یەكێ موستەفا كەمال جەلالەدین بۆ رۆژنامەیا ئەڤرۆ گۆت: ئەڤ قارەمانییە گەلەك یا گرنگ بوو تایبەت بۆ یاریزانێن پارێزگەها دهۆكێ، بۆ من وەكو دەستپێكەك بەر ب پشكداریێن مەزن و ڤەگەڕاندنا ناسناڤێن خوە پشتی ڤەقەتیانەكا درێژ، هەروەسان باشترین بەرهەڤینە بۆ یاریزانێن مە ژبۆ قارەمانیێن داهاتی یێن كوردستانێ و ئیراقێ و نێڤدەولەتی.
