یاریزانێ ناڤخوە بەر ب كێمبوونێ دچیت!
حاجی دوسكی
هەردەم هیڤیا وەرزشڤانی ئەوە رێك بوو بهێتە خوەشكرن هەتا بشێت ب ناڤێ وەلاتێ خوە یان باژێرێ خوە پشكداریێ د هەر قارەمانییەكێ دا بكەت، ئەڤە بوو ماوێ چەند سالا یە وەرزش ل كوردستانێ ب گشتی تنێ بوویە فوتبۆل وەرزشێن دی ئەگەر هەبن ژی نە ل وی ئاستێ نە یێ وەرزشڤان حەز بكەت، لێ وەكو دیار گرنگییەكا باش ل فوتبۆلێ دهێتە كرن، سەر ئاستێ ئیراقێ و كوردستانێ خول هەنە لێ خالا مە دڤێت لسەر راوەستین دەمێ ئەم تەماشەی یانەیێن پارێزگەهێ دكەین نموونە دهۆك و زاخو ل خولا ستێرێن ئیراقێ رێژەكا هەر كێم یا یاریزانێن نافخوە دگەل هەنە دبیت نوكە دا ئەم نەشێن پێكهاتیەكێ ژ كوڕین پاریزگەها دهۆكێ دروستبكەین هەرچەندە زور یا نۆرمالە یانەكا وەكۆ دهۆك و زاخو هەر یازدە یاریزان پێشەكاربن ژبەر وەرزش ل سەر دەمێ پیشەكاریێ یە، لێ دگەل ڤێ پێنگاڤا پێشكاریێ گرنگیدان یاریزانێ نافخوە ئەركە لسەر ڤان یانەیان، بەرنامەك هەبیت رێكێن ئەكادیمی یاریزانێ نافخوە ئاڤابكەن لسەر دەستێ راهێنەرێن خودان ئەزموون، نابیت هەر یاریزانەكێ دەست ژ وەرزشێ بەردای ماوەیێ دەهـ روژا دا بیتە خودان باورناما راهێنەران و كارگێری دەستنیشانبكەت بۆ تیمەكا تازەپێكەهشتیا یان لاوان تا ئەكادیمیا، ڤی سەردەمی هەر كەسێ دڤێت ببیتە راهێنەر دڤێت خوە ئاڤابكەت دڤی بواری دا، ئەگەر ئەم پسیارەكێ ژكاركیرییا هەر یانەكی بكەین سەبارەت یاریزانێن نافخوە بەرسف دێ هەبیت كو هژمارەكا یاریزانان مە هەنە ل خولا كوردستانێ و تیمن لاوان، ئەفچەندە راستە لێ ژبەر نەگرنگیدانێ چ ژلایێ ئاڤاكرنەكا دروست و نەبوونا دەرفەتێ و پشتەڤانیا دارایی یاریزانێ نافخوە پێشناكەڤیت، خالەكا دی یاریزانێ نافخوە ئەو بخوە ئەگەرە سەر نەكەڤێت ئەوژی نە كەسەكێ رەوشنبیرە نەشێت كەسایەتیاخوە پاریزیت ژ هندەك خالێن بنە ئەگەرێ لاوازییا ئاستێ وی، بوو داهاتی دا ئێدی ل پاریزگەهێ یاریزانێ نافخوە زیدەتر لێبهێت پێدڤییە كاركێریێن یانەیا پێداچوونەكێ دپلانا خوەدا بكەن كا چ رێك دێ شێن یاریزانەكێ ئاست بلند ئاڤاكەن، ئەگەر ل پارێزگەهێ هژمارا یاریزانێن نافخوە زیدەتر لێهات وی دەمی مەزاختین دارایی لسەر یانەیا دێ كیمتر لێ هێن، ب گشتی جەماوەر دێ زێدەتر ب یانەیێن پارێزگەهێ ڤە هێنە گرێدان.
