یاریزانەکێ زاخۆ بۆ سەرکەفتیێ ئێکێ ل ئەلمانیا
ئه‌ڤرۆ نيوز:
کورێ پارێزگەھا دھوکێ و باژێرێ زاخۆ ماھر ئەحمەد سلێمان بۆ سەرکەفتیێ ئێکی َدقارەمانیا میونخ یا ئەلمانی یا خولێکدانی دا پشتی شیا سێ سەرکەفتنا ل سەر ئێک توماربکەت د کێشەیا 74 کگم .
ل دۆر ڤێ چەندێ یاریزانێ ماھر ئەحمەد ددیدارکێ دا بۆ روژناما ئەڤرۆ دبێژیت د قارەمانیا ھەرێمان دا ل سەر ئاستێ ئەلمانیا من پشکداری د قارەمانیا ھەرێما میونیخ دا کر و د کێشەیا خوە یا 74کگم من سێ یاری دا شیا سێ سەرکەفتنا ل دیڤ ئێک توماربکەم و شیام رێزا ئێکێ ب دەستخوڤە بینم کو من یاری بۆ یانا ریگینسبورک یاری کر و ھاتمە ھەلبژارتن بۆ قارەمانیەکا دی .
ناڤبری گوت ژی: ئەڤ ناسناڤە بۆ ماموستایێ من یێ باژێرێ زاخۆ رەعد محەمەد ڤەدگەریت ژبەرکو ئەوی ل گەل چەندین راھێنەرێن دی پشتەڤانیا من کریە ھەتا گەھشتی مە ڤی ئاستی و ھەردیسان پشکداریی د قارەمانیێن ب ڤی رەنگی دا بکەم.
ھەژی گوتنێ یە ماھر ئەحمەد یێ 23 سالی خەلکێ باژێرێ زاخۆ یە ب ناڤێ یانا زاخۆ بەری نوکە پشکداری د چەندین قارەمانیێن ھەرێمێ و عیراقێ کریە .
