یاریزانەکێ زاخۆ چوو د ناڤ ڕێزێن هەلبژارتیێ ئیراقێ دا
عەلی حاجی:
د داخویانیەکێ دا ڕاهێنەرێ تیما باسکێت بۆلا یانەیا زاخۆ بۆ رۆژنامەیا ئەڤرۆ دیار کر ئەو نڤشێ نوو یێ یاریزانان ل زاخۆ هاتیە ئاڤاکرن دێ خزمەتەکا باش بۆ یاریا باسکێت بۆلێ کەن و گەلەک ژ وان یاریزانان دێ بۆ هەلبژارتیێ ئیراقێ ژی هێنە داخاز کرن.
زێدەتر جوتیار عەلی گۆت: ب شێوەیەکێ فەرمی ژلایێ فدراسیۆنا باسکێت بۆلا ئیراقێ ڤە یاریزانێ تیما زاخۆ یا تازە پێگەهشتیان ژێهات جەمال هاتە داخاز کرن بۆ هەلبژارتیێ ئیراقێ و تاکە یاریزانێ دەڤەرا بەهدینانە بهێتە داخاز کرن، هەرچەندە بۆ جارا ئێکێ نینە یاریزانێن زاخۆ بۆ هەلبژارتیێن جودا یێن ئیراقێ بهێنە داخاز کرن بەلکو بۆ جارا گەلەکێ یە، یاریزانێ تیما مە ژێهات جەمال ئاستەکێ باش دگەل تیما مە پێشکێش کر و پشت ڕاستم دگەل هەلبژارتیێ ئیراقێ ژ دێ ئاستەکێ گەلەک باش پێشکێش کەت.
ناڤبری گۆت ژی: پرانیا یاریزانێن مە پاشەرۆژەکا باش هەیە نەخاسمە د ژیێن لاوان و تازەپێگەهشتیان دا ژبەرکو ب شێوەیەکێ گەلەک باش هاتینە پەروەردە کرن د یاریا باسکتبولێ دا.
