یاریزان ب تلهفۆنهكێ هاتبوو د ناڤ رێزێن تیما زاخۆ دا
ئهڤرۆ،
د داخویانیهكێ دا سهرپهرشتێ تیما تهپا پێی یا یانا زاخۆ ئهوا پشكدار د خولا پلا نایابا كوردستانێ دا دیاركر ئهو دێ ب كوڕێن زاخۆ پشكداری خولێ بن و بهری نوكه هندهك یاریزانا تیم كۆنترۆل كربوو و رێز ب یاریزانێن دی نه گرتبوو.
زێدهتر نهدیار عهلی بۆ رۆژناما ئهڤرۆ گۆت: پێخهمهت دروستكرنا تیمهكا باش ژ گهنج و كوڕێن باژێرێ زاخۆ و باشترین بهرههڤی بۆ وهرزێ نوو یێ خولا نایابا كوردستانێ نێزیكی 150 یاریزان كهفتنه لبن تاقیكرنێن چهستهیی دا و پشتی ڤاڤارتنێن رۆژانه نوكه نێزیكی 20 یاریزان ماینه، ههروهسان ل دووڤ پلانا كارگێریا یانێ ژی ئهو یاریزانێن وهرزێ بوری كهفتینه لبن تاقیكرنێن راهێنانێ دا ژبهركو بووجهیهكا زێده ب وێ تیمێ هاتبوو خهرجكرن بهروڤاژی هیڤیا لبن مهترسیا داكهفتنێ دا بوون، لهورا ژ ئاستێ گهلهك یاریزانا رازی نهبووین و مه داخوازا تاقیكرنا وان ژی كربوو، ب مخابنی ڤه هندهك یاریزان ل وهرزێ بوری ب ئێك تلهفۆن هاتبوونه دناڤ رێزێن تیمێ دا لهورا بۆ وهرزێ ئهڤ ساله مه نههێلا و راهێنهر ئازادكریه ئهو یاریزانێ ل دووڤ شیانێن وان دهستنیشانبكهت.
ناڤهاتی ئهوچهنده ژی گۆت: گهلهك یاریزانا دناڤ تیمێ دا جهێ خوه كۆنترۆل كربوون و نه دهێلان چو یاریزان جهێ وان بگرن لێ بۆ وهرزێ ئهڤ ساله مه ئهڤ دیارده نههێلایه و رێك ل بهردهم گهنجا هاتیه ڤهكرن و ههكه پێدڤی ب یاریزانهكێ دهرڤهیی باژێرێ خوه بین دێ پهیداكهین.
