یاریگەها باتیفا دێ هێتە نووژەنکرن
ئەڤرۆ
زاخۆ، عەلی حاجی:
د داخویانیەکێ دا سەروکێ یانهیا باتیفا بۆ رۆژناما ئەڤرۆ دیار کر پشتی ب دووماهی هاتنا ڤاڤارتنێن خولا تهپاپێی یا پلە دو یا کوردستانێ یاریگەها وان دێ هێتە نوژەنکرن.
زێدەتر ئەیهەم جامی گۆت: لژنەیەک بۆ نوژەنکرنا یاریگەها مه یا تهپاپێی هاتیە پێکئینان كو پشتی ب دووماهی هاتنا ڤاڤارتنێن خولا کوردستانێ دێ هێتە نوژەنکرن و ئەردێ وێ بەرفرەهکهن و ئاڤاهیەک بۆ کارگێریێ ژی هێتە دروستکرن و جهێ جەماوەری هێتە زێدەکرن ژبەرکو ئەردێ یاریگەهێ ب گورەیی یاسایێ یێ بچویکە و پێدڤیە بهێتە زێدەکرن، یاریێن خولا پلە دو یا کوردستانێ دێ 12 ڤێ ههیڤێ دەستپێبکەن و قایممقامێ قەزا باتیفا دیار کریە د رۆژێن بهێت دا دێ تڕۆمبێلەکا تایبەت بۆ یانهیا باتیفا هێتە دابینکرن، ئەو هاریکاریێن ژ ئیدارەیا سەربەخوهیا زاخۆ بۆ یانێ دهێتە دابینکرن سێ ملیون دینارن و ژلایێ سپونسەرێ یانێ ڤە ژی هەیڤانە ملیون دینار بۆ یانێ دهێنە تەرخانکرن لێ سەرجەمێ گشتیێ مووچەیێ راهێنەر و یاریزانان پێنچ ملیون و ٦٠٠ هزار دینارن، ئەو پارەیێ بۆ یانهیا مە دهێتە یێ کێمە و تێرا ناکەت ژبەر هندێ مە داخاز کریە بهێتە زێدە کرن دا کو بشێن مووچەیێ تیما خوە دابینبکەن.
ناڤبری گۆت ژی: چاڤهڕێ نه کۆمبوونەکێ دگەل سەرپەرشتێ ئیدارەیا سەربەخوهیا زاخۆ بکەین و داخازا زێدەکرنا وی پارەیی بکەین بەری بکەڤیە د هەڤرکیێن خولێ دا ژبەرکو ئارمانجا مە دەربازبوونە بۆ پلە ئێکا کوردستانێ.
