یاریێن وەرزشی و پرۆژەیێن خێرخوازی
نەهلا ئەحمەد
وەرزش نە بتنێ كرنا یاریانە بەلكو نیشاندانا رەۆشتی و هاریكاری كرنا هەر تاكەكی یە، یاریێن خێرخوازی ژ لایێ یانەیێن وەرزشی ل هەرێما كوردستانێ ب شێوەیەكێ بەرچاڤ دكێمن ل بەرامبەر یانەیێن ئئۆرۆپا بێگومان ئەڤێ چەندێ ژی ئەگەر هەنە ژ وان ژی ئەگەر ئەم تەماشە بكەین ل هەرێما كوردستانێ ژ بۆ كرنا یاریێن ناڤهاتی دبیت سپونسەرەك گەلەك ب زەحمەت هەبیت كو سپۆنسەریا یاریێ بكەت یان ژی حەتا دشێن بێژین بازرگانەك مەزاختیێن یاریێ ب ستویێ خۆڤە ناگریت و ئەگەر ئەم تەماشە بكەین مەزاختیێن ڤان جورە یارییان گەلەك دكێمن، د بەرامبەر دا ل یانەیێن ئۆرۆپا ئەڤ جورێ یارییان گەلەك دهێنە ئەنجام دان ب تایبەتی لدەف یاریزانێن ژیێ وان مەزن بوویی و دەست ژ تیمێن یانەیێن فوتبۆلێ بەرداین و ئەو یاریزانێن ناڤدار وەكۆ خۆ بەخش یاریێن خێر خوازی ژ بۆ نەخۆشخانە و بنگەهێن خودانكرنا زارۆكان و كەسێن دان عەمر ئەنجام ددەن، دڤان یارییاندا هندەك ژ یاریزانان تیشێرتێ خۆ ژ بۆ كومكرنا پارەیی د فروشیتە پشتەڤانێن بەرهەڤبووی د یاریگەهێ دا و هەر پشتەڤانەكێ پتر پارەیی پی بدەت دێ تیشێرتی وەرگریت و زوربەیا وان ژی وی پارەی ژ بۆ كارێن خێرخوازی پێشكێش دكەن، د بەرامبەر دا ئەگەر ئەم ل نێرینەكێ بكەین ب مخابنی ڤە ل هەرێما كۆردستانێ ب گشتی ئەڤ چەندە گەلەك یا كێمە، ب خوشحالی ڤە بەری دو حەفتیان یارییەكا خێرخوازی ژ لایێ فدراسیۆنا فوتبۆلێ ل پارێزگەها دهۆكێ د ناڤبەرا هەردو یانەیێن تیما یانەیا زاخۆ یا كچان و تیما یانەیا ئافرەتێن دهۆك هاتبوۆ ئەنجامدان، لێ ب مخابنی ڤە دبێژین زۆربەیا كەسێن خۆ ب بەرپرسێن وەرزشێ ددانن ل یاریگەهێ د بەرهەڤ نەبوون و پشتەڤانیا وی پروژێ خێرخۆازی بكەن، وەكی هاتیە زانین ژی كوژمەكێ باش یێ پارەیی ژ بۆ تۆشبوویێن نەخۆشێن نەخۆشیا پەنجەشێرێ د وێ یاریێ دا هاتە كومكرن و ئەڤ یارییا خێرخۆازی ببوو جهێ دلخۆشیا رێڤەبەر و ستاڤێ نەخوشخانەیا پەنجەشێرێ، یا ل ڤێرێ من دڤێت بێژم ئەوە بلا ئێدی مە پروژەیێن یاریێن خێرخوازی ل پارێزگەها دهۆكێ و ئیدارەیا سەربەخۆیا زاخۆ هەبن و پشتەڤانیێ ل ڤان جورە پروژەیان و یارییان بكەین دا كو پارێزگەهێن د ژی چاڤ ل مە بكەن.
