یاسایا ئۆفسایدێ دێ هێتە گوهۆڕین
دەستەیا گشتی یا نێڤدەولەتی بۆ یارییا تەپا پێی( IFAB) دێ ل دەستپێكا سالا بهێت کونگرەیێ خوە یێ سالانە ل جنێف پایتەختێ سویسرا دانیت، ژ گرنگترین بابەتێن وێ گوهۆڕینا یاسایا هندەك بڕیاریێن دادڤانان و یارییان دناڤ یاریگەهێ دا، یاسایا ئۆفسایدێ ئێك ژ ئەوان بابەتێن هەستیارە بۆ گوهۆڕینێ كو بڕیارە ل وەرزێ 2024-2025ێ بهێتە بجهئینان.
ئەو یاسایا دهێتە گوهۆڕین بناڤێ یاسایا ڤینگەر ژبەركو راهێنەرێ بەرێ یێ ئارسنالا ئنگلتەرایێ ئارسن ڤینگەری پێشنیاركربوو، ئەوژی هێرشبەر نا هێتە هژمارتن دناڤا ئۆفسایدێ دا هەكە تەپە ژ هەڤالێ خوە وەرگرت و پرانییا لاشێ وی ژ یاریزانێ هێلا بەرەڤانیێ یێ تیما هەڤڕك دەركەڤیت ژبلی پێیەكێ وی لێ هەكە هەمی لاشێ وی دووربیت ژ یاریزانێ هێلا بەرەڤانیێ ئەو ئۆفسایدە، دیسان هەكە تەپە نێزكتربوو ژ گۆلپارێزی ئەو ژی ئۆفسایدە.
ژلایێ خوەڤە جیانی ئینفانتینۆ سەرۆكێ فیدراسیۆنا فیفایی گۆت: ئەم بزاڤا دكەین ل دووڤ كاودانان گوهۆڕینان بكەین، لێ یاسایا ئۆفسایدێ یا هەستیارە و خواندنەكا باش بۆ دڤێت و پێنەڤێت گوهۆڕینا وێ شێوازێ هێرشبرنێ باشتر لێكەت، هەرچەندە یاسایا وێ د ماوەیێ135 سالان دا دو جاران هاتییە گوهۆڕین، پێشبینی دكەم بۆ 2024ێ گوهۆڕین پەیدابیت.