یاسایا ئۆفسایدێ هاتە گوهۆڕین
فیدراسیۆنا نێڤدەولەتی یا تەپا پێی فیفا ب شێوەیەكێ دەستپێكی رازیبوو ل سەر گوهۆڕینا یاسایا نوو یا تایبەت ب ئۆفسایدێ ڤە و دێ ل هندەك وەلاتان وەكو تێست هێتە ب كار ئینان ژبۆ پەسەندكرنا وێ ل سەر هەمی چالاكیێن خوە یێن فەرمی بۆ قارەمانیێن داهاتی.
ل دووڤ ئەوێ یاسایا نوو دیار كریە دڤێت هێرشبەر ب هەمی لەشێ خوەڤە د ناڤ هێلا ئۆفسایدێ دا بهێتە دیتن بەرانبەر دووماهی یاریزانێ هێلا بەرەڤانیێ هەتا ب دروستی بهێتە هژمارتن ئۆفساید، بەرۆڤاژی یاسایا نوكە كار پێ دهێتە كرن كو هەكە یاریزانێ هێرشبەر بتنێ پارچەكا كێم ژ لەشێ وی بهێتە دیار كرن دێ هێتە هژمارتن ئۆفساید.
فێدراسیۆنا نێڤدەولەتی دیار كر وەكو تێست دێ ئەڤ یاسایە د هندەك یاریێن ل سوید، هۆلەند و ئیتالیا هێنە ب كارئینان ژبۆ وەرگرتنا ئەرێنی و نەرێنیا وێ و وەرگرتنا ئاماران بەری ب فەرمی بۆ هەمی قارەمانیێن خوە یێن نێڤدەولتی بكەنە فەرمی، بۆ زانین ئارسین ڤینگەر راهێنەرێ بەرێ یێ یانەیا ئارسنال و سەرۆكێ لژنەیا پێشئێخستنێ ل فێدراسیۆنا تەپا پێی یا فیفایێ ئەڤ پێشنیارە پێشكێش كربوو.
