یاسین تاها: ئارمانجا یانا دینارتێ پلا ئێكه
ئه‌ڤرۆ، نه‌وزاد هلۆری:
د دیداره‌كێ دا یاریزانێ تیما یانا دینارتێ یا ته‌پا پێی دیاركر هه‌تا نوكه پلانا یانێ بۆ ئارمانجا خوه یا سه‌ركه‌فتیه و سه‌رێ لیستێ دهێت و ئه‌وژی ده‌ربازبوون به‌ره ب پلا ئێكا كوردستانێ و رژدن هه‌تا دووماهی چركه.
زێده‌تر یاسین تاها ئه‌وێ دهێته هژمارتن بچووكترین یاریزانێ خولا پلا دو یا كوردستانێ بۆ رۆژناما ئه‌ڤرۆ گۆت: سه‌رباری ئه‌ركێ مه د خولێ دا ب زه‌حمه‌ته لێ ئه‌م رژدین و پێنگاڤێن باش هاڤێتنه بۆ پلێتا ده‌ربازبوونێ و ئه‌ڤه ئارمانج و هیڤیێن مه و هه‌موو جه‌ماوه‌رێ وه‌رزشی یه ژبه‌ركو ئه‌ڤچه‌نده دێ بیته ئه‌گه‌ر جاره‌كا دی ره‌وشا وه‌رزشێ بۆ ده‌ڤه‌رێ ڤه‌گه‌ڕێنیت و یانا دینارتێ خودان پشته‌ڤانه‌كێ مه‌زنه و خه‌لكێ ده‌ڤه‌رێ پێڤه هاتیه گرێدان و هه‌ر یاریه‌كا دهێته كرن ژماره‌كا مه‌زن یا خه‌لكی و جه‌ماوه‌ری ل یاریگه‌هێ به‌رهه‌ڤ دبن و پشته‌ڤانیا مه دكه‌ن بۆ سه‌ركه‌فتنێ، له‌ورا ئه‌م هه‌موو بزاڤا دكه‌ین و دلێ جه‌ماوه‌رێ خوه خۆش بكه‌ین و بگه‌هینه پلا ئێك و شیاینه بێ دۆراندن د یاریێن بۆری دا سه‌رێ لیستێ وه‌ربگرین.
بۆ زانین ناڤبری ژدایكبوویێ 2001ی یه و یاری بۆ لاوێن یانا ئاكرێ، زێره‌ڤانی، ئارارات، هه‌ولێر و هه‌لۆ كریه.
