یانا ئاكرێ: چاڤه‌ڕێ پارێزگارێ دهۆكێ نه بۆ سه‌خبیركرنا یاریگه‌هێ
ئه‌ڤرۆ،
د داخویانیه‌كێ دا ئه‌ندامێ كارگێریا یانه‌یا ئاكرێ یا وه‌رزشی دیاركر ئه‌و چاڤه‌ڕێ بجه ئینانا بڕیارا پارێزگارێ دهۆكێ نه ژبۆ سه‌خبیركرنا یاریگه‌ها وان به‌ری ده‌ست بارانێن به‌رده‌وام بهێن ب هیڤی نه دێ نێزكترین ده‌م دا چاره‌سه‌ركه‌ت.
زێده‌تر هۆزه‌ڤان زاهد بۆ رۆژناما ئه‌ڤرۆ گۆت: به‌ری چار هه‌یڤان پارێزگارێ دهۆكێ د. عه‌لی ته‌ته‌ر سه‌ره‌دانا باژێرێ ئاكرێ و یانێ كر و ژ نێزك ل سه‌ر گازنده و كێماسیێن ده‌ڤه‌رێ گه‌نگه‌شه هاته كرن ل یانه‌یا ئاكرێ ژی ب سۆپاسی ڤه پارێزگاری بڕیار دابوو یاریگه‌ها مه یا ته‌پا پێی بهێته سه‌خبیركرن و دیاركربوو د نێزك دا دێ چاره‌سه‌ركه‌ت، لێ ژبه‌ر چه‌ند ئه‌گه‌ران گیرۆبوو، له‌وما هیڤییا مه ئه‌وه پارێزگارێ دهۆكێ له‌زێ د بجهئینانا بڕیارا خوه دا بكه‌ت ژبه‌ركو تیما مه یا ته‌پا پێی یاریێن خولا كوردستانێ هه‌نه و هه‌ر ده‌مێ بارانه‌ك بهێت كارتیكرنێ ل سه‌ر تیمێ دكه‌ت تایبه‌ت ئه‌نجامان ژبه‌ركو نه‌چار دبین یاریگه‌هه‌كا دوور ده‌ستنیشان دكه‌ین وه‌كو یا یانه‌یا شێخان ئه‌ڤچه‌نده ژی هاتنووچوونه و پرانیا جه‌ماوه‌ری بێ به‌هردبیت و یاریگه‌ه دبیته بێ لایه‌نی كو ئه‌م چو مفایی َ ژێ نا وه‌رگرین و ئه‌نجام ژی به‌روڤاژی د به‌رژوه‌ندیا مه دا نابیت.
هه‌روه‌سا ناڤهاتی دیاركر د نوكه دا بهێنڤه‌دانا خولێ یه و ده‌م یێ گونجایه هنده‌ك كارێن سه‌خبیریێ بهێته كرن له‌وما هیڤییا مه ئه‌وه پارێزگارێ دهۆكێ خوه ل یانا ئاكرێ بكه‌ته خودان و ئاریشا یاریگه‌هێ چاره‌سه‌ربكه‌ت و ئه‌و بڕیارا دایی بجه بینت.
