یانا ئاكرێ گرێبهستا راهێنهر و هاریكارێ وی ئیمزا كر
رهمهزان زهكهریا
دوهی ب شێوهكێ فهرمی كارگێریا یانا ئاكرێ گرێبهست ل كهل راهێنهر مهحموود مهجید و هاریكارێ وی ههژار سابر ئیمزاكرن ژبۆ دهست بهرههڤیان بۆ وهرزێ نوو یێ خولا پلا نایابا كوردستانێ یا تهپا پێی و ل نێزك ژی دێ راهێنهرێ گۆلپارێزان هێته دهستنیشانكرن.
لدور ڤێ یهكێ سوههیب عهلی بهرپرسێ راگههاندنا یانا ئاكرێ بۆ رۆژناما ئهڤرۆ گۆت: پشتی چهند كۆمبوونێن جودا یێن كارگێریێ ژبۆ دهستنیشانكرنا ئێك ژ راهێنهرێن خودان شیان پێخهمهت بڕێڤهبرنا تیما مه یا تهپا پێی بۆ وهرزێ نوو یێ خولا پلا نایابا كوردستانێ ئهم گههشتینه دهرئهنجامێ دووماهیێ كو راهێنهر مهحموود مهجید شیانێن باش ههنه و شارهزاهیهكا بهرچاڤ د خولا كوردستانێ دا یا ههیی لهورا ئهم گههشتینه رێكهفتنێ بۆ ئیمزاكرنا گرێبهستا وی و ل گهل دا كوڕێ باژێرێ ئاكرێ ههژار سابر دێ بیته هاریكارێ وی.
ههروهسان ناڤهاتی دیاركر رۆژێن بهێت دا دێ راهێنهرێ گۆلپارێزان هێته دیاركرن و دووڤدا دێ كادرێ راهێنانێ دهست ب پلانێن خوه یێن وهرزێ نوو كهت بۆ ئینانا چهند یاریزانان و دانانا ژڤانێ راهێنانێ ژبۆ باشترین بهرههڤی بۆ وهرزێ نوو یێ خولا كوردستانێ.
