یانا ئاكرێ 40 ملیۆن دینارا قه‌رداره
ره‌مه‌زان زه‌كه‌ریا
د داخویانیه‌كێ دا به‌رپرسێ راگه‌هاندنا یانا ئاكرێ یا وه‌رزشی دیاركر ئه‌و داهاتێ ب رێكا وه‌به‌رهێنانێ هه‌یڤانه دگه‌هیته یانا ئاكرێ وه‌كو دوكان و پشكه‌كا پانزینخانێ و بیره‌كا ئاڤێ دبیته پێنچ ملیۆن دینار ل گه‌ل سێ میلۆنێن پارێزگه‌هێ، گشتی داهاتێ هه‌یڤانه‌یێ یانا ئاكرێ هه‌شت ملیۆن دینارن،ب وی داهاتێ ئه‌م نه‌شێین ئیدارا یانێ بكه‌ین و یانه 40 ملیۆن دیناران قه‌رداره.
زێده‌ترسوهه‌یب عه‌لی گۆت: بۆ وه‌رزێ ئه‌ڤساله پشتی تیما ته‌پا پێی گه‌هشتیه پلا نایابا كوردستانێ پێدڤی ب داهاته‌كێ باشتره، ره‌وشا یانێ گه‌له‌كا خرابه و چه‌ندین ده‌رگه‌هـ قوتاینه لێ هه‌تا نوكه چو به‌رسڤ نه‌بووینه و چه‌ندین سوز ب مه هاتینه‌دان ،مه دڤێت ب هێز پشكداری نایابێ بین ئه‌گه‌ر ناسناڤی ژی ب ده‌ستڤه نه‌ئینن و مانا خوه مسۆگه‌ركه‌ین، ئه‌گه‌ر سوزێن هاتنه دان نه‌هێنه بجه ئینان دێ ئه‌ركێ مه گرانتر بیت.
ناڤهاتی ئه‌وژه‌نده ژی گۆت: فریزێ یاریگه‌ها ئاكرێ سروشتیه ده‌مێ دبیته باران ئاریشه بۆ مه په‌یدادكه‌ت، له‌ورا نه‌چار یاریگه‌هێن شێخان و شه‌قلاوه ده‌ستنیشان بكه‌ین ل دووڤ ئه‌و سوزێن ب یانێ هاتینه دان بۆ وه‌رزێ نو دێ هێته نوژه‌نكرن و خرابیا یاریگه‌هێ ئه‌گه‌ربو تیما مه ژ نایاب پاشڤه بچیته پلا ئێك.
سوهه‌یب عه‌لی ئه‌وچه‌نده ژی دیاركر دڤێت بۆ خولا نایابا كوردستانێ ده‌ستپێكی یاریزانێن خوه به‌رهه‌ڤ بكه‌ن لێ ئه‌گه‌ر پێدڤی ب یاریزانا بوون دێ ل ده‌رڤه‌ی كوردستانێ و ئیراقێ گرێبه‌ستێ ل گه‌ل ئیمزاكه‌ین بۆ ب رێڤه‌برنا نایابێ و ئارمانجامه ئه‌وه ئاسته‌كێ باش پێشكه‌ش بكه‌ین.
