یانا باتیفا ژ بڕیارێن ئێكه‌تیا ته‌پا پێی رازی نینن
ئه‌ڤرۆ، عه‌لی حاجی:
د داخویانیه‌كێ دا سه‌رۆكێ یانا باتیفا یا وه‌رزشی بۆ رۆژناما ئه‌ڤرۆ دیاركر ئه‌و ل سه‌ر بڕیارێن ئێكه‌تیا ته‌پا پێی یا كوردستانێ رازی نینن و د به‌رژوه‌ندیا یانا دینارته دا هاتینه دان، ئه‌ڤ گۆتنه هاتن پشتی دادڤانێ یاریا وان ل گه‌ل دیندارته ژ چارچووڤێ خولا پلا دو یا كوردستانێ به‌ری سێ حه‌فتیان ژبه‌ر روودانێن دناڤ یاریگه‌هێ دا په‌یدابووین د خوله‌كا 63ێ راوه‌ستینت، ئێكه‌تیا ناڤهاتی بڕیاردا ده‌مێ مایی یاری ل یاریگه‌ها شێخان دووباره بهێته كرن.
زێده‌تر ئه‌یه‌م جامی گوت: هه‌رچه‌نده ئه‌م چاڤه‌ڕێ بووین بڕیارێن ئێكه‌تیا ته‌پا پێی لدووڤ كاودانێن روودانا بن ئه‌وا دیاریێ دا په‌یدابووی لێ دیاربوو كو بڕیار د به‌رژه‌وه‌ندبا یانا دیندارته دا بوو كو یاری بهێته تمامكرن ل یاریگه‌ها شێخان سه‌رباری مه داخواز كربوو ل دهۆكێ هاتبا كرن، یاریگه‌ها شێخان بوو یانا دیندارته وه‌كو یا دویێ بوو چه‌ندین یاری ل وێ یاریگه‌هێ ئه‌نجامداینه، دیسان ئه‌و یاریگه‌ه بوو مه یا دووره تێناگه‌هین ل سه‌ر چو بنه‌ما یاریگه‌ها شێخان ده‌ستنیشانكریه تایبه‌ت یاریگه‌هه‌كا ڤه‌كریه و بێ په‌رژانه و كۆنترۆلكرنا جه‌ماوه‌ری ب زه‌حمه‌ته.
ناڤهاتی رژدیا تیما خوه بۆ سه‌ركه‌فتنێ دیاركر و گوت: سه‌رباری ئه‌ڤان ئاسته‌نگا 27 خوله‌كێن مایی بۆ سه‌ركه‌فتنێ نه و ئه‌و سێ خاله گه‌له‌ك گرنگن ژبه‌ركو دێ رێژا 70% تیما مه نێزیكه ده‌ربازبوون بۆ پلا ئێك كه‌ن و ده‌لیڤا وه‌رگرتنا پلێتا دویێ به‌رده‌سته.
