یانا زاخۆ كادرێ نوو یێ راهێنانێ دهستنیشان كر
ئهڤرۆ،
كارگێریا یانا زاخۆ یا وهرزشی ب فهرمی گرێبهستا راهێنهر و كادرێ وی و چهند یاریزانان راگههاندن ژبۆ بهرههڤی بۆ وهرزێ نوو یێ خولا پلا نایابا ئیراقێ یا تهپا پێی.
د كۆنگرهیهكێ رۆژنامهڤانی دا گرێبهست ل گهل راهێنهر حهمزه هادی هاته راگههاندن كو ل گهل دا ستاڤێ وی مستهفا كهریم هاریكار، نهبیل عهواد راهێنهرێ گۆلپارێزان و مستهفا جاسم راهێنهرێ شیانێن چهستهیی و لهش سڤكیێ، ههروهسان ژلایهكێ دووڤه كارگێریا یانێ گرێبهستا یاریزانێن خوه یێن باژێرێ زاخۆ نووكرن و بڤی رهنگی، یوسف ئهیوب، یونس عهید ههر ئێك بۆ سێ وهرزان، سیپان سهدیق بۆ دو وهرز و شڤان جهمیل بۆ ئێك وهرز هاتنه نووكرن.
د كۆنگرهیێ رۆژنامهڤانی دا بلند شهفیق دیاركر بۆ وهرزێ نوو یێ خولا پلا نایاب ئارمانجا وان پشكداریهكا ب هێزی و ههڤڕكی ههمبهری تیمێن مهزن بكهن و گۆت: ههرچهنده ئهڤه ماوهیهك بوو ئهم بێ دهنگ بووین ههمبهری راگههاندنێ لێ مه كارهكێ مهزن دكر ههتا ئهم شیاین ستاڤهكێ نوو دهستنیشان بكهین ئهوژی پشتی چهندین دووڤچوون و ههروهسان ئهو ئارمانج و هیڤیێن مه ههین ل دهڤ راهێنهری ههبن ئهوژی ههڤڕكی و زلهێزیا ناڤێ زاخۆ و نیشاندانا یاریهكا سهردهمانه و جوان كو جهماوهرێ یانا زاخۆ پێ خووش بیت و سهركهفتنان تۆماربكهن ئهڤچهنده ل دهڤ راهێنهر حهمزه هادی ههبوون كو ئهوژی خودان سهربوره و ناڤودهنگیا خوه ههیه چو بهری نوكه وهكو یاریزان و د نوكه دا راهێنهر، ئهم رژدین تیمهكا بهێز بهێنه دناڤ ههڤڕكیێن خولا ئیراقێ دا .
