یانا زاخۆ هارۆن ئهحمهد پشتگۆه هاڤێت
ئهڤرۆ، عهلی حاجی:
د داخویانیهكێ دا راهێنهرێ تایبهت یێ كوڕێ باژێرێ زاخۆ و یاریزانێ یاریا تایكۆاندۆیێ هارۆن ئهحمهد دیاركر سهرباری داخوازی ژ یانا زاخۆ كربوو كو دو یانێن بهغدایی داخوازا گرێبهستێ ژ یاریزانێ وی دكهن لێ زاخۆ بهرههڤیا خوه دیار نهكر و نه چاربووین گرێبهستا یانهكا دی ئیمزابكهین، ئهوێ شیایی ل حهفتیا بوری سهر ئاستێ تازهپێگههشتیا میدالیا برۆنزی یا قارهمانیا ئاسیا ب دهستخوهڤه بینت و دبیته ئێكهم كورد و یاریزان ب ناڤێ ههلبژارتیێ ئیراقێ ڤێ دهستكهفتێ تۆماربكهت.
زێدهتر سهلام عهلی بۆ رۆژناما ئهڤرۆ گۆت: بهری یاریزانێ مه پشكداریێ د قارهمانیا ئاسیا دا بكهت مه دو جاران یانا زاخۆ ئاگههداركربوو كو دو یانێن بهغدا داخوازا گرێبهستێ ژێ دكهن لێ بۆ مه دیاركر ئهوان چو پێدڤی ب هارونی نینه و شیان نینن مووچهیێ وی بۆ دابینبكهن، لهورا یاریزان نهچاربوو گرێبهستا یانا شورته ئیمزابكهت ئهو ژی ژبهر چهند ئهنجامێن مهزن و ناسناڤێن د قارهمانییا ئیراقێ دا و دهرڤه ب دهستخوهڤه ئینایی یانا بهغدایی ب ب دیتنا یاریزانهكێ خودان شیان و بههرهمهند گرێبهست ل گهل ئیمزاكر.
ناڤهاتی ئهوچهنده ژی گۆت: دهستڤهئینا میدالیا برۆنزی ل سهر ئاستێ ئاسیا دهستكهفتهكێ مهزنه وهكو كوڕێ باژێرێ زاخۆ و كوردستانێ و بۆ ناڤێ ههلبژارتیێ ئیراقێ ئینایی، چهند پێخووشباین ههكه بناڤێ یاریزانێ یانا زاخۆ ژی با نهك یانهكا بهغدایی ئهوێ دێ بهرههڤیا بۆ قارهمانیا سهر ئاستێ عهرهبی ژی كهت، لێ ههر كوڕێ باژێرێ زاخۆ یه و دێ مینت وهكو كوردهك دناڤ ههلبژارتیێ ئیراقێ دا، لهورا هیڤییا مه ئهوه یانا زاخۆ دووباره بهرههمهندێن خوه و یاریزانێن باژێرێ یێن خودان شیان ژ دهست نهدهت.
