یانا زاخۆ گه‌ڤێن خوه ڤه‌كێشانێ ژ چالاكیێن وه‌رزشی دكه‌ت
ئه‌ڤرۆ، عه‌لی حاجی
د داخویانیه‌كێدا ئه‌ندامێ یانا زاخۆ بۆ رۆژناما ئه‌ڤرۆ دیاركر كو هه‌كه چاره‌سه‌ریه‌كا بله‌ز بۆ ئاریشێن وان یێن دارایی نه هێته كرن دێ نه‌چاربن هه‌موو چالاكیێن خوه ب راوه‌ستینن ژوانا پشكداریا تیما وان یا ته‌پا پێی د خولا پلا نایابا ئیراقێ دا.
زێده‌تر هشیار دۆبانكی گوت: د ماوێ چار سالێن بوری دا سه‌رباری كاودانێن نه‌خووش و قه‌یرانا دارایی مه یانه ب كۆمه‌كا چالاكیێن وه‌رزشی ب ده‌ستكه‌فت و پشكداریا ڤه ب رێڤه‌برییه لێ ئه‌ڤچه‌نده سنورێ خوه هه‌یه و زێده‌تر د شیانێن كارگێریا یانا زاخۆ دا نینه به‌رده‌وامیێ ب چالاكیان ب ده‌ت بێ پشته‌ڤانی، ژبه‌ركو پێدڤی ب پشته‌ڤانیه‌كا بله‌زین و به‌روڤاژی دێ نه چاربین خوه ژ هه‌موو خولێن ئیراقێ و هه‌رێمێ ڤه‌كێشین و چالاكیێن خوه ب راوه‌ستینن.
لدووماهیێ ناڤهاتی داخواز هه‌ر ئێك سه‌رۆكێ حكومه‌تێ، سه‌رپه‌رشتێ ئیدارا سه‌ربه‌خویا زاخۆ،لقێ هه‌شت یێ پارتی دیموكراتی كوردستان، قائیمقامێ قه‌زا زاخۆ و رێڤه‌به‌رێ گشتی یێ وه‌رزشی ل هه‌رێما كوردستانێ كرن كو پشته‌ڤانیا وان بكه‌ن.
