یانا چێلسی هاته فرۆتن
ئه‌ڤرۆ،
پشتی به‌رپرسێن یانا چێلسی یا ئنگلێزی و بازرگانێ كورد و خه‌لكێ باكۆرێ كوردستانێ موحسن بایراك نه گه‌هشتینه چو ڕێكه‌فتنان بۆ كرینا یانا ئنگلێزی، دوهی ب فه‌رمی هاته راگه‌هاندن كو دێ ژلایێ گرۆپه‌كێ سه‌رمایه‌دار ل بریتانیا هێته فرۆتن.
لدووڤ راپۆرتا سه‌ن یا بریتانی كو گرۆپه‌كێ سه‌رمایه‌دار پێكهاتینه ژ چار كه‌سان كو یانا چێلسی ب كۆژمێ دو ملیار و 500 ملیۆن پاۆنێ ئسترلینی كڕیه ئه‌وژی پێكهاتینه ژ یێ ئه‌مریكی تۆد بۆهلی، كلێرلیك كابیتال، مارك والته‌ر و هانسگۆرگ وێس و به‌رهه‌ڤن ئه‌وی پاره‌یی بۆ هژمارا به‌نكا بریتانی بدانن و دیسان ئه‌و سه‌همێ بۆ هاتیه دانان بهێته پارڤه‌كرن بۆ كاروبارێن خێرخوزای هه‌روه‌كو ژ سه‌رۆكێ به‌رێ یێ یانێ رۆمان ئیبرامۆڤێچی هاتیه داخوازكرن، هه‌روه‌سان كوژمێ ئێك ملیار و750 ملیۆن پاۆن دێ بۆ كاروبارێن یانێ هێته ته‌رخانكرن ژوانا یاریگه‌ها ستانفۆرد، ئه‌كادیمیا لاوان و تیما خانمان یا ته‌پا پێی.
هه‌مان رۆژنامێ دیاركر پێنگاڤا دووماهیێ رازیبوونا حوكمه‌تا بریتانیایه و هه‌موو به‌لگه و راپۆرت بۆ هاتینه هنارتن، هه‌رده‌مێ رازیبوون هاته كرن دێ بفه‌رمی هێته راگه‌هاندن و ئه‌و پارێ هاتیه سڕكرن یێ سه‌رۆكێ به‌رێ یێ رۆسی رۆمان ئیبرامۆڤێچ دێ بۆ كارێن خیرخوزاێ هێته پارڤه‌كرن و دێ گرۆپێ نوو دێ ده‌ست بكارێ خوه كه‌ت.
