یانه‌یا دهۆك گرێبه‌ستا چار یاریزانێن خوه‌ نوو كر

قەیس وەیس:

د راگه‌هاندنه‌كێ دا یانه‌یا دهۆك یا وه‌رزشی گرێبه‌ستا هه‌ر سێ پیشه‌كارێن خوه‌ و یاریزانەکی یێن تیما ته‌پا پێی بۆ وه‌رزێ نوو یێ خولا ئیراقێ یا پیشه‌كاران نووكره‌ڤه‌ و بۆ هه‌ڤڕكیێن خولێ دێ به‌رهه‌ڤیێن باش هه‌بن.
زێده‌تر د.عه‌بدوللا جه‌لال سه‌رۆكێ یانه‌یا دهۆكێ گۆت: ب فه‌رمی ئه‌م گه‌هشتینه‌ رێكه‌فتنێ دگه‌ل هه‌ر سێ پیشه‌كارێن خوه‌ یێ كۆتیڤۆاری گراهێر یانیك زاكێری، یێ به‌رازیلی مۆسێس لۆكاس و یێ غانا نۆرۆ سۆلێ و یاریزانێ خوە رێوان ئەمین ژبۆ پشكداریێ دگه‌ل تیما ته‌پا پێی بۆ وه‌رزێ نوو یێ خولا ئیراقێ یا پیشه‌كاران و هه‌می ئه‌و یاریزانێن دگه‌ل تیمێ بۆ دو وه‌رزان ئیمزاكرینه‌ و دێ بزاڤێ كه‌ن بۆ وه‌رزێ نوو باشترین یاریزان بۆ ناڤ رێزێن تیمێ بینن باشتر بیت ژ تیما وه‌رزێ بۆری و دێ پشكداریێ د خولا تازه‌پێگه‌هشتی و لاوان ژی دا كه‌ن.
ناڤهاتی دیاركر سۆپاسییا سه‌رۆكێ حوكمه‌تا هه‌رێما كوردستانێ و پارێزگارێ دهۆكێ دكه‌ت كو به‌رده‌وام پشته‌ڤانییا یانه‌یا دهۆكێ كرییه‌ و بۆ وه‌رزێ نوو ژی دێ به‌رده‌وامبن و گه‌شبینی دا جه‌ماوه‌رێ یانێ بۆ سالا بهێت.

کۆمێنتا تە