یانه‌یا زاخۆ: مه زێده‌تر گوهۆڕین د رێزێن پێشیێ دا كرینه و تا راده‌یەكی چاره‌سه‌ر بوویە
د داخویانیەکێ دا سکرتێرێ یانه‌یا زاخۆ یا وەرزشی بۆ رۆژناما ئەڤرۆ دیار کر ئەو هەتا نوکە ژ ئاستێ تیمێ درازینە و دێ ئاستێ تیمێ باشتر بیت.
زێدەتر هشیار شەهباز گۆت: د ڤەگوهاستنێن زڤستانی دا مە زێدەتر گوهۆرین د رێزێن پێشیێ یێن تیما خوە دا کریه ئەوا پشکدار د خولا ستێرێن ئیراقێ یا تەپاپێی دا ژبەرکو مە کێماسی د وێ هێلێ دا هەبوون و هەتا ڕادەیەکێ مە یێ شیایی وێ هێلێ چارەسەر بکەن ب ئینانا سێدریک و داروین و محەمەدویی، د یاریا بەرانبەر حدود و به‌ری یاریزانێ مە ب کارتا سور دەرکەڤیت ئاستێ تیما مە یا باش بوو لێ ئەڤە نابیتە پیڤەر ئاستێ ڕاستەقینەیێ تیمێ دیار بکەت، مە باوەرییەکا مەزن ب تیما خوە هەیە و دێ ئاستێ وێ باشتر بیت و بەردەوام دووڤچوونا تیمێ دکەین پێخەمەتی هندێ هەر کێماسیەکا هەبیت بهێته چاره‌سه‌كرن ژبەرکو ب داهاتەکێ کێمتر ژ گەلەک یانەیێن دیترێن ئیراقێ مە ئەڤ تیمە دروست کریە و یاریزانێن خودان شیان دناڤ تیمێ دا هەنە.
ناڤبری گۆت ژی: لدووف شیانێن ل بەردەست مە گوهۆڕین د ناڤ تیما خوە دا کرن و مە پەیوەندی ب گەلەک یاریزانێن باش یێن ئیراقی کرن داکو هەڤبەستێ دگەل دا ئیمزا بکەین لێ تیمێن هنده‌ك یانه‌یان دەستبەرداری وان نەبوون، گوهدار شێخۆ سەرپەرشتێ ئیدارەیا سەربەخویا زاخۆ پشتەڤانیەکا باش ل تیما مە دکەت و بۆ بابەتێ شێرکو کەریمی ژی ل سەر خەتی بوو و هەمی پشتەڤانیا خوە ژی دیار کربوو ژ بۆ ڤەگوهاستنا وی یاریزانی بۆ زاخۆ.
