یانێن پارێزگه‌هێ دێ پێنگاڤا ئێكێ د خولا پلا ئێك دا هاڤیّژن
ئه‌ڤرۆ،زنار زوبێر:
ئه‌ڤرۆ و سوبه‌هی وه‌رزێ نوو یێ خولا پلا ئێكا كوردستانێ یا ته‌پا پێی ب پشكداریا 19 یانێن هه‌رێمێ هێته ئه‌نجامدان ژوانا چار ژ پارێزگه‌ها دهۆكێ ئه‌وژی، ئاكرێ، گاره، سێمێل و به‌رده‌ره‌ش ئه‌وا دێ هه‌ڤڕكیێن وان ب شێوێ هاتن و چوون هێته برێڤه‌برن و هاتینه به‌لاڤكرن ل سه‌ر دو كۆما، یانێن پارێزگه‌هێ د كۆما دویێ دا نه ل گه‌ل هه‌ر ئێك ژ یانێن برۆسك، پێشه‌سازی، شورچه، ئالتۆن كۆپری و خاك، هه‌ردو یانێن ئێكێ یێن هه‌ر كۆمه‌كی دێ ده‌ربازبیته پلا نایاب.
یاریێن ئه‌ڤرۆ، ئاكرێ دێ مێڤانداریا برۆسك كه‌ت، گاره دێ بیته مێڤانا شورجه، هه‌له‌بجه‌یا شه‌هید – كۆیه، سوبه‌هی سێمێل دێ بیته مێڤانا پێشه‌سازی و به‌رده‌ره‌ش مێڤانداریا خاك كه‌ت.
