یانێن پارێزگه‌هێ كه‌ڤتنه د كوما ئێكێ دا
ئه‌ڤرۆ نیوز، هه‌ژار مه‌عروف:
د كومبوونا خوه یا ئه‌ڤرۆ دا ئێكه‌تیا ناڤه‌ندى یا ته‌پا پێ ل هه‌رێما كوردستانێ چه‌ندین بریار ده‌رێخستن و ژ وانا بریار دا 6/3/2015 ژڤانێ ده‌ستپێكرنا خولا پلا نایاب لسه‌ر ئاستێ لاوان كو بریار هاته دانێ كو یانێن پشكدار لسه‌ر دو كومان بهێنه به‌لاڤكرن.
ئێكه‌تیا ناڤه‌ندى د ڤێ كومبوونێ دا بریار دا هه‌ر 14 یانێن پشكدار لسه‌ر دو كومان بهێنه به‌لاڤكرن كو كوما ئێكێ پێكهاتیێ یه ژ لاوێن یانێن دهۆك، زێره‌ڤانى، زاخۆ، هه‌ولێر، پێشمه‌رگا هه‌ولێرێ، برایه‌تى، بروسك، هندرین كو د ڤێ كومێ دا سێ یانه سه‌ركه‌ڤن بۆ یاریێن دووماهیێ و یانه‌یه‌ك پاشڤه‌زفریته خولا پلا ئێك و كوما دوێ پێكهاتی یه ژ شه‌ش یانا ئه‌وژى شێروانه، پێشمه‌رگا سلێمانیێ، خانه‌قین، هه‌له‌بچه، نه‌وروز و سلێمانیێ كو دڤێ كومێ دا دو یانا سه‌ركه‌ڤن بۆ یاریێن قوناغا دووماهیێ و یانه‌یه‌ك پاشڤه‌زفریت.
هه‌ژى گوتنێ یه ئێكه‌تیا ناڤه‌ندى د كومبوونا ئه‌ڤرۆ دا ئه‌وژى دیاركرى یه ئه‌گه‌ر بودجا هه‌رێمێ هاته مه‌زاختن دبیت سیسته‌مێ خۆلێ وه‌كو سالێن دى ب رێڤه‌بچیت ئه‌گه‌ر ره‌وش ب ڤى ره‌نگى بیت ئه‌و نه‌چارن ئه‌ڤ ساله ب شێوه‌یێ دو كوم خولێ ب رێڤه‌به‌ن.
