یانەکا چینی پارەکێ مەزن بۆ سانچێزی تەرخانکریە
ئەڤرۆ نیۆز،زنار تۆڤی:
ئەلێكسیس سانچێزی هێرشبەری چیلی و یانەی ئارسناڵی ئینگلیزی دەستەوارەیەكی گەورەی لە خولی تۆپی پێی چین پێ دەگات.
رۆژناما سەن یا ئینگلیزی نووچەیەک بەلاڤکریە و تێدا هاتیە،کو یانا هیپی چینا فۆرچن یا چینی ب فەرمی داخواز ژ سانچێزی كریە،کو بۆ وەرزێ داهاتی ل گەل تەمامبوونا ماوێ گرێبەستا وی ل گەل یانا ئارسنال پەیوەندیێ ب تیما وان بكەت.
ئەو یانا چینی سۆز دایە سانچێزی ل بەرامبەر یاریكرنێ د ناڤا رێزێن تیما وان دا حەفتیانە وەك مووچێ 400 هزار پاوەنان ب دەتێ.
وێ رۆژنامێ ئاشكرا كریە ژی،کو سانچێز بۆ هندێ کو ل وەرزێ داهاتی پەیوەندیێ ب یانا مانچستەر ستی بكەت، داخوازا وێ یانا چینی رەتكریە.
وێ رۆژنامێ دیارکریە،کو سانچێز چاڤەرێ دکەت کو ل هەیڤا داهاتیدا سەرۆكاتیا یانا ئارسنال رێکێ پێ بدەت، کو ئەو گرێبەستەکێ ل گەل یانا مانچستەر ستی ئیمزا بكەت ب فەرمی و ب گۆژمێ 20 ملیۆن پاوەنان.
دیسا هەکە یانا ئارسنال داخوازیا وی قەبوول نەكەت،ئەو دێ بۆ وەرزێ داهاتی ل گەل تەمامبوونا ماوێ گرێبەستا وی و ب شێوەکی ئازاد و بێ بەرامبەر پەیوەندیێ ب یانا مانجستەر ستی کەت.
