یانەیا ئافرەتێن دهۆكێ ئێكەم سەركەڤتن د قارەمانییا ئیراقێ دا ئینا
ل سێ شەمبییا بۆری دەست ب هەڤڕكیێن قارەمانییا ئیراقێ یا فوتبۆلا شەش یاریزانی ل سەر ئاستێ كچان ل پارێزگەها دهۆكێ هاتە كرن، ئەوا هەشت یانە پشكدارن و هاتینە بەلاڤكرن ل سەر دو كۆمان، یاریێن وان ب شێوەیی خول كەتنا دۆجاركر، خودانێن ڕێزێن ئێكێ و دویێ یێن هەر كۆمەكێ دێ دەربازبنە چارگۆشەیا زێرین، ئەوا ب چاڤدێرییا د. عەلی تەتەر پارێزگارێ دهۆكێ ژلایێ فدراسیۆنا فوتبۆلا شەش یاریزانی یا ئیراقێ ب هەڤكاری دگەل ڕێڤەبەرییا وەرزشی ل دهۆكێ دهێنە كرن.
ئەنجامێن گەڕا ئێكێ بڤی شێوەیی بوون
یانەیا ئافرەتێن دهۆك(5-1) یانەیا بنت ئەلعراق.
یانەیا سۆران(10-1) یانەیا قەرەقۆش.
یانەیائەالبدێر(7-1) ئانەیا تلسقۆف.
یانەیا ینت ئەلعراق(4-چنە) یانەیا رۆژهەلات.
بڕیارە ئەڤرۆ یانەیا ئافرەتێن دهۆكێ یارییا دویێ ژبۆ پاراستنا سەرێ لیستا كۆما خوە بەرانبەر یانەیا بنت ئەلعراق بكەت، ئەو دێ ل دەمژمێر سێیێ ئێڤاری هێتە كرن.
لدۆر دووماهی بەرهەڤیێن نوونەرا پارێزگەهێ سیپەل شوكر كاپتنا تیما ئافرەتێن دهۆكێ دیاركر، ئەلإ قارەمانییە بۆ وان یا نوویە و ڕژدن بۆ هەڤڕكییا ناسناڤی و گۆت: هەرچەندە بوو جارا ئێكێ یە تیما مە پشكداری د ڤێ قارەمانیێ دا بیت كو ل سەر ئەردێ تارتانی دهێتە كرن، شێواز و یاسایا وێ نێزیكی یارییا فوتسالێ یە لێ هندەك ڕێنما وەكو ئێك نینن، هەروەسان یاریگەها فوتسالێ ئەردێ كونكریتە و بۆیاخەكا تایبەتە، بەرۆڤاژی یا ڤێ یاریێ تارتانە، هەرچەوابیت مە پشكدارییا كری بۆ ئێك ئارمانج ئەوژی ب دەستڤە ئینانا ناسناڤی.
ژلایەكێ دووڤە ناڤهاتی دیاركر كو تیمێن هەڤڕك هەنە و گۆت: هەرچەندە مە پێزانین ل سەر تیمان نەبوویە لێ دزانین یانەیێن خودان شیان هەنە و هەڤڕكن بۆ ناسناڤی، ئەنجامێن وان ژی دیارن، لێ یانەیا ئافرەتێن دهۆكێ كار ل سەر دەستڤە ئینانا ناسناڤی كرییە، سۆپاسییا كارگێرییا یانەیێ ژی دكەین كو هەڤكار و هاریكارن، ب هیڤی نە دەستكەڤتەكی بۆ پارێزگەها دهۆكێ بینن و ببنە قارەمان.
