یانەیا ئافرەتێن دهۆكێ بوو قارەمانا پارێزگەهێ
تیما فوتسالا یانەیا ئافرەتێن دهۆكێ ل سەر ئاستێ تازەپێگەهشتییان ب ناسناڤێ قارەمانییا پارێزگەهێ هاتە خەلاتكرن، پشتی شیایین د یارییا فینالێ دا ب سەركەڤن ل سەر كچێن یانەیا زاخۆ ب 5-3 گۆلان، د یارییا واندا ئەوا ل هۆلا گرتییا كۆلیژەیا پەروەردەیا جەستەیی و زانستێن وەرزشی ل زانكۆیا دهۆكێ هاتییە كرن.تیما فوتسالا یانەیا ئافرەتێن دهۆكێ ل سەر ئاستێ تازەپێگەهشتییان ب ناسناڤێ قارەمانییا پارێزگەهێ هاتە خەلاتكرن، پشتی شیایین د یارییا فینالێ دا ب سەركەڤن ل سەر كچێن یانەیا زاخۆ ب 5-3 گۆلان، د یارییا واندا ئەوا ل هۆلا گرتییا كۆلیژەیا پەروەردەیا جەستەیی و زانستێن وەرزشی ل زانكۆیا دهۆكێ هاتییە كرن.ئەڤ قارەمانییە ژلایێ فدراسیۆنا فوتبۆلا پارێزگەهێ ب پشتەڤانییا د. عەلی تەتەر پارێزگارێ دهۆكێ هاتبوو بۆ جارا ئێكێ یە ل سەر ئاستێ كچان پشتی ڤەقەتییانەكا درێژ هاتییە، هەشت یانە پشكداربوون ئەوژی، ئافرەتێن دهۆك، زاخۆ، شێخان، ئاكرێ، شێلادزێ، پۆلیتەكنیك، باتیڤا و تلسقۆف، یاریێن وان ب شێوەیێ كەتنا دو جاركی دهاتنە ئەنجامدان، ل دووماهیێ خەلات ل سەر سەركەڤتیان هاتنە بەلاڤكرن وبڤی شێوەیی، یانەیا ئافرەتێن دهۆك قارەمانا پارێزگەهێ، یانەیا زاخۆ خودانا ڕێزا دویێ، یانەیا شێلادزێ خودانا رێزا سێیێ، هەروەسان باشترینێن قارەمانیێ بڤی شێوەیی بوون، گۆلكەرا قارەمانیێ گەورێ یوسف ژ یانەیا ئافرەتێن دهۆكێ ب 14 گۆلان، سەحەر قاسم ژ یانەیا زاخۆ باشترین یاریزانا قارەمانیێ مۆنا سەورۆ ژ یانەیا شێلادزێ باشترین گۆلپارێز.لدۆر ڤێ دەستكەڤتێ سەردار سالح سەرۆكێ یانەیا ئافرەتێن دهۆكێ كەیفخوەشیا خوە دیاركر و گۆت: ل دەستپێكێ ئەز دەستخوەشییا كادرێ ڕاهێنانێ و یاریزانان دكەم كو ناسناڤەكێ دی بۆ یانەیا مە زێدەكری، هەروەسان سۆپاسیێن بێ سنۆر ئاراستەیی پارێزگارێ دهۆكێ دكەین كو بەردەوام پشتەڤانێ مە بوویە و هەردیسان پارتا مە كو گرنگییەكا ئێكجار باش ددەتە وەرزشا كچان، دیسان سۆپاسییا فدراسیۆنا فوتبۆلا پارێزگەهێ ب سەرۆكاتییا د. ئەحمەد قاسم دكەم كو ئەڤ قارەمانییە بۆ كچێن پارێزگەهێ ڤەكری.هەروەسان ناڤهاتی بۆ رۆژنامەیا ئەڤرۆ گۆت: هەرچەندە مە تیما خوە بۆ قارەمانییا پیلستانگ یا كوردستانێ بەرهەڤكربوو لێ هاتە هەلوەشاندن لەوما ژی ب فەر مە دیت تیما خوە یا تازەپێگەهشتییان د قارەمانییا پارێزگەهێ دا پشكداربكەین، پێخوەشحالین وەكو كارگێرییا یانەیێ د ماوەیێ كێمتری دو سالا ندا سێ ناسناڤان بدەستڤە بینن، دو یێن كوردستانێ و ئێكا پارێزگەهێ، هەروەسانا بۆ دو سالان ل دووڤ ئێك تیمێن مە یێن تیكۆنجتسۆیێ ل سەر ئاستێ پێشكەڤتی و تازەپێگەهشتییان ببنە قارەمانێن ئیراقێ، ئەڤە ژی دەستكەڤتێن هەرە مەزنن و دیرۆكی نە بۆ یانەیا مە و پارێزگەها دهۆكێ، ب پشتەڤانییا بەردەوام یا پارێزگارێ دهۆكێ گەشبینن مە دێ دەستكەڤتێن مەزنتر هەبن.
