یانەیا ئاكرێ: كاروانێ درێژە و ئارمانجا مە پاراستنا ناسناڤی یە
رەمەزان زەكەریا
د داخویانیەكێ دا پەیڤدارێ یانەیا ئاكرێ یا وەرزشی ئاشكراكر یانەیا ئاكرێ قارەمانا وەرزێ بوری ل خولا نایابا كوردستانێ و خودانا چەندین دەستكەفتێن مەزن ئەڤسالە ب هێزەكا نوو ڤە دێ شەڕێ پاراستنا ناسناڤێ خولێ كەت و ئەڤە ئارمانجا مەیە و كار بۆ ب دەستڤەئینانا ناسناڤێن زێدەتر كەت.
زێدەتر سوهەیب عەلی بۆ ئەڤرۆ گۆت: سەركەفتنا ئێكەم یاری د خولا نایابا كوردستانێ دا وێ چەندێ دگەهینیت كو تیما یانەیا ئاكرێ ل سەر بەرنامە و پلانا خوە یا سەركەفتنێ بەردەوامە هیڤیەكا مەزن هەیە كو ناسناڤێ خولێ پارێزین.
ناڤبری گۆتژی: یاریا ئێكێ یا دەستپێكا خولێ بو هەر تیمەكێ یاب زەحمەتە هەتا ڕاهێنەر بشێت ب دروستاهی هەمی یاریزانان بناسیت، یاریا یانا مە دگەل چارقورنە یاریەكا ڤەكری بوو ژبەرهندێ گول زۆر هاتنە تۆماركرن، پێنەڤێت هەموو ئارمانجا یانەیا ئاكرێ ئەوە كو ل ڤی وەرزی دا ئەم ناسناڤێ خولا نایاب بهێلینەڤە ل ئاكرێ بوویە هەموو ئامادەكاری هاتینە كرن بۆ ڤێ مەبەستێ.
بۆ زانین ل وەرزێ بۆری تیما یانەیا ئاكرێ شیابوو ناسناڤێ خولا پلا نایابا كوردستانێ بۆ جارا ئێكێ د دیرۆكا خوە دا ب دەستڤە بینت، دیسان ناسناڤێ سۆپەرا كوردستانێ ژی ئەوا بەری دو حەفتییان ل باژێرێ ئاكرێ هاتییە كرن و سەركەڤتن ل سەر یانەیا هندرین ب چار گۆلان بەرانبەر گۆلەكێ.
