یانەیا بەردەڕەش: بۆ ناسناڤی دێ پشكداریێ د خولێ دا كەین
رەمەزان زەكەریا:
د داخویانیەكێدا سەرۆكێ یانەیا بەردەرەش ئاشكراكر تیما وان یا ڤۆلی بۆل بەردەوام راهێنانان دكەت ژبۆ پشكداریكرنێ بۆ خولا ئیراقێ ئەوا بریارە ل رۆژێن 25 و 27 ڤێ مەهێ یاریێن خوە ئەنجام بدەت دگەل یانەیا گارە ژ كۆما پارێزگەها دهۆكێ كو دێ دو یاری هێنە كرن ئێك تیم سەركەڤیتە قۆناغ دووڤ دا.
زێدەتر سەمیر عەبدولقادر بۆ رۆژنامەیا ئەڤرۆ گۆت: یاریزانێن یانەیا بەردەرەش ل سەر ئاستێ هەمی كوردستانێ ئێكەمن و مەرەما مە ب تنێ پشكداری نینە بەلكو هەڤڕكییە بۆ ب دەستڤەئینانا ناسناڤێ خولێ بۆ ڤێ ئارمانجێ دێ یاریا كەین و هەمی یاریزانێن یانەیێ خەلكێ بەردەرەشن .
ناڤهاتی گۆتژی: سپۆنسەرێ یانەیا مە بۆ خولا ڤۆلی بۆلا ئیراقێ دلدار رەشید و مەردان خدرە ب سۆپاسی ڤە ئەوان بریاردایە هەمی پێدڤییا بۆ یانەیێ بەرهەڤبكەن دەمێ پشكدارییا تیما مە د خولا ئیراقێ دا، پێنگاڤێن باش هاتین بۆ وەرزشا تەپا پێی كو ل سەر ئاستێ تازەپێگەهشتیان و لاوان بەردەوام راهێنانا دكەن بۆ خولا كوردستانێ .
