یانەیا دهۆك بەر ب قۆناغەكا پێشكەفتی
حاجی دوسكی
پشكدارییا یانەیا دهۆك د وەرزێ ئەف سالە دا یا جێوازە ژ وەرزێن بوری، وەكۆ دیار ئەلهۆیێن چیا هەڤڕكیێ د خولا ستێرێن ئێراقێ وكۆپا ئێراقێ و كۆپا یانەیێن كەنداڤییا عەرەب، ئەڤ قۆناغە بۆ دهۆكێ سانەهی نینە ئەگەر ئەم هووربینی لسەر رەوشا یانێ براوەستین، دهۆك بەر ب باشتر دچیت تایبەت ژلایێ ئاست و ئەنجامێن ڤێ دووماهیێ دهۆك نێزیكی چارگوشا زێرین بوویە هەڤڕكیێن خولا ئێراقێ دژوارتربوویە پترییا یانەیا خالێن وان نێزیك ئێك، هەموو یانا ئێدی هزرەكا مەزن بۆ دهۆكێ دكەن هەر یانەكا دهێتە دهۆكێ تنێ هیڤیا وان خالەكێ دگەل خوە ببەن، ئەگەر ئەم باس لایەنێ دی یێ پشكدارییا دهۆكێ بكەین یا كۆپا كەنداڤی ئەڤە خەونا جەماوەرێ گەلەك یانەیا ل ئیراقێ بوو لێ ئەڤە بەرهەمی وی ماندیبوونا وەرزێ بۆرییە، ئەفچەندە ژ ڤالاتیەكێ نەهاتییە، تانوكە دهۆك ل قارەمانییا كەنداڤی ئاستەكی باش هەیە، وەكۆ بۆچوون ناڤێ دهوكێ هەر بلند مینت ئەگەر هەموو بزاڤ ژلایێ كارگێری و ستافێ راهێنەران و یاریزانا هەبن تیمێ بگەهیتە یارییا دووماهییێ ئەو ئاستی دهۆك نوكە تێدا هیچ كێمتر نینە ژ وان یانەیێن پشكدار تنێ یانا ئتیفاقا سعودی ژ یانەیێن باشە، ئەگەر ئەف پێنگاڤە بۆ راستی نەبتنێ جەماوەری دهۆكێ دلخوەش بیت بەلكو سەرانسەری ئێراقی گریت تایبەت پشتی یانەیێن ئێراقێ ل پشكداریێن دەرڤە ئاستەكی نەباش نیشاندای ئێدی هیڤییا جەماوەری تنێ دهوكە، ئەم ژبیرنەكەین پتری دەه سالانە یانەیا دهۆك یا ڤەقەتیایە ژ پشكداریێن دەرڤە نوكە دەرفەتەكا مەزن درێدایە ناڤێ ئەلهۆین چیا ل مێژوویا وەرزشا كەنداڤی بهێتە توماركرن، دەگەل ڤێ دەلیڤێ ئومێدا جەماوەری یانێ ئەوە كارگێریێ پتر گرنگی ب یاریین دی یێن وەرزشی بهێتەدان.
