یانەیا دهۆك نە ئاستە، نە ئەنجامە و نە پیشەكار
حاجی دۆسكی
پشتی وەرزەكێ سەركەفتی پری ناسناڤ ڤێ چەندێ یانەیا دهوك بەر ب قووناغەكا دیڤە بر، ڤێ قووناغ ئەركێ وێ مەزنتر لێكر، ژبەر ئەو یانەیا ل وەرزێ 2017ژ هەمی چالاكیین وەرزشا ئێراقێ دووركەڤتی، دەمێ زڤڕیە خولا ستێرێن ئێرقێ ئەلهوین چیا شیا نەخشێ فوتبۆلا ئیراقێ ب گوهۆڕیت تایبەت ل سەر دەمی هاتنا كارگێرییا گەنج پێنگاڤێن سەركەفتی هاڤێتن شیان دوبارە جەماوەری ل یانێ كومڤەكەن، لێ جیاوازتر ئێدی نەبتنێ گەنج بوونە پشتەڤان و خێزان ژی ئامەدەبوون، بو وەرزی نوو پترییا چاڤدێرێن وەرزشی هزركر ئێدی یانەیا دهوك دێ هەڤڕك بیت ل سەر ناسناڤی تایبەت دەمێ گریبەستا ستافێ بەرازیلی ڕاگەهاندی، هەروسا هژمارەكا یاریزانێن پێشەكار و نافخو ئیناین، كارگێریی هەر زوو كەمپەكێ ناڤخۆ ل هەولیرێ دانا پتری پێنچ یاریێن هەڤالینی ئەنجامداین، هەتا ڤێری جەماوەر یێ ب هیڤی بوون لڤی وەرزی دێ ئەنجام دلخۆشكەرتر بن، لێ پشتی بورینا چار یارییا تا نوكە قارمانا كەنداڤی و كۆبا ئیراقێ نەشیا خالەكێ ژی دەستخوەڤە بینت سەرەرایی هەبوونا وێ پشتەڤانیا دارایی و مورالا جەماوەری یا بەرز بۆ یانەیێ، لێ دێ هزر كەی ئەڤە نە و یانەیە دو سەركەفتن ل سەر ئتیفاقا سعودیێ ئینای، ئەری كا ئاستێ یاریزانێن پێشەكار! ئەرێ كا دلسوزییا یاریزانێن ناڤخۆ! بۆ ڤێ یانێ جەماوەری هزركر ئێدی سیرجیو ڤاریاس دێ شیوازیێ فوتبۆلا هەڤچەرخ نیشاندەت هەمی بەروڤاژی هاتن ل هەردو یاریین ئێكێ ئەو یاریزانێن دناڤ گورەپانی دا مە هوسا هزركر یاریزان هیچ نەخشە و تێبینێن ڕاهێنەری پێگیریێ پێ ناكەن یێ ل هیڤییا وێ چەندێ تنێ یاری ب دووماهی بیت ئەنجام گرنك نینە، لڤێرە حەز دكەم دیاركەم كو دڤێت كارگێری رولێ خۆ ڕابیت یێ دروست بەشەك ژ یاریزانا نە هەژی وێ چەندی نە ب ناڤی دهۆكێ یاریێ بكەن هەروسا كار بكەن لسەر لایەنێ دەرونی یێ تیمێ ب شێوەیەكێ گشتی ئەگەر ڕێكە چارەیەك نەبیت جە ماوەر دلوڤانیێ ب دیرۆكا كەسێ نابەت.
