یانەیا شێخان شەڕی ل دو چەپەران دكەت
رەمەزان زەكەریا
جێگرێ سەرۆكێ یانەیا شێخان یا وەرزشی ئاشكرا كر یانەیا شێخان هەموو هیڤی و ئارمانجێن وێ ئەون بگەهیتە خولا پلە ئێك ل خولا پلە ئێكا كوردستانێ و ئیراقێ بۆ ڤێ مەبەستێ هەموو شیانێن خوە كارا كرینە كو ئەڤسالە ب سەركەفتیانە دەربازی خولا پلە ئێك ببیت.
زێدەتر مەهدی سالح بۆ ئەڤرۆ گۆت: ئاریشا سەرەكیا هەمبەر یانەیا شێخان نەبوونا پشتەڤانیا ئابووریە ئەڤە بووە ئەگەر كو ئەنجامێن مەزن ب دەستڤە نەئینیت، چوونا پێكهاتەیا تیمێ بۆ پارێزگەهێن دی یێن ئیراقێ و مانەڤێ بۆ دەمێ یاریا ئەڤە ئاستەنگەكا مەزنە.
ناڤبری خویاكر: پشتەڤانی ناهێتە كرن بۆ یانەیا شێخان، ئەم چاڤەرێ دكەین لایەنەك پشتەڤانیا مە بكەت بۆ وێ چەندێ ئاستەكێ باشتر پێشكەش بكەین ژبەر كادرێ راهێنان و یاریزان پێدڤی ب مووچە و چلۆبەرگێن وەرزشی و هاتنوچوون و گەلەك پێدڤیێن دی نە، هیڤییا مە ئەوە بگەهینە ئارمانجێن خو ل خولا پلە دوا كوردستانێ و یا ئیراقێ ژی دەبازبینە خولا پلە ئێك.
